ദേശീയം

മുംബൈ ഹാഫ് മാരത്തണില്‍ മലയാളി തിളക്കം; മാനന്തവാടിക്കാരായ ജോസിനും തോമസിനും സ്വര്‍ണം

മുംബൈ ഹാഫ് മാരത്തണില്‍ മലയാളി തിളക്കം;  മാനന്തവാടിക്കാരായ ജോസിനും തോമസിനും സ്വര്‍ണം

മുംബൈ: രാജ്യത്തെ പ്രമുഖ കായിക മാമാങ്കങ്ങളിലൊന്നായ മുംബൈ ഹാഫ് മാരത്തണില്‍ കേരളത്തിന് അഭിമാനമായി മാനന്തവാടി ദ്വാരക സ്വദേശികളായ ഇല്ലിക്കല്‍ജോസും, തോമസ് പള്ളിത്താഴത്തും. തങ്ങളുടെ വിഭാഗങ്ങളില്‍ മികച്ച പ്രകടനം കാഴ്ചവെച്ച ഇരുവരും സ്വര്‍ണ്ണമെഡല്‍ കരസ്ഥമാക്കി. ജോസ് 50 വയസിന് മുകളിലുള്ളവരുടെ വിഭാഗത്തിലും, തോമസ് 60 വയസിന് മുകളിലുള്ളവരുടെ വിഭാഗത്തിലുമാണ് മത്സരിച്ചത്.
ഏറെ വെല്ലുവിളികള്‍ നിറഞ്ഞ ട്രാക്കില്‍ രാജ്യത്തിന്റെ വിവിധ ഭാഗങ്ങളില്‍ നിന്നുള്ള പ്രമുഖ ഓട്ടക്കാരടങ്ങുന്ന പതിമൂവായിരത്തോളം ആളുകളെ പിന്തള്ളിക്കൊണ്ടാണ് ഈ മലയാളി താരങ്ങളുടെ നേട്ടം. കൃത്യമായ പരിശീലനവും കഠിനാധ്വാനവുമാണ് തങ്ങളെ വിജയത്തിലേക്ക് നയിച്ചതെന്ന് ഇരുവരും പ്രതികരിച്ചു.

കായിക പ്രേമികളും വിവിധ സംഘടനകളും ഇവര്‍ക്ക് അഭിനന്ദനങ്ങളുമായി രംഗത്തെത്തി. മുംബൈയിലെ പ്രമുഖ സ്‌റ്റേഡിയത്തില്‍ നടന്ന ചടങ്ങില്‍ വെച്ച് ഇവര്‍ക്ക് മെഡലുകളും സര്‍ട്ടിഫിക്കറ്റുകളും സമ്മാനിച്ചു. 
ദീര്‍ഘദൂര ഓട്ടത്തില്‍ സംസ്ഥാനത്തിനകത്തും പുറത്തും നിരവധി സ്വര്‍ണ്ണ മെഡലുകള്‍ വാരിക്കൂട്ടിയ വ്യക്തികളാണ് ജോസും തോമസും.

middle_ad

അഭിപ്രായങ്ങൾ (Comments)

കമന്റ് ബോക്സിൽ വരുന്ന അഭിപ്രായങ്ങൾ ഓപ്പൺന്യൂസറിന്റെതല്ല. മാന്യമായ ഭാഷയിൽ വിയോജിക്കാനും തെറ്റുകൾ ചൂണ്ടിക്കാട്ടാനും അനുവദിക്കുമ്പോഴും മനഃപൂർവ്വം അധിക്ഷേപിക്കാൻ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മുന്നറിയിപ്പില്ലാതെ നീക്കം ചെയ്യുന്നതാണ് - എഡിറ്റർ