ദേശീയം

കര്‍ണാടക മുഖ്യമന്ത്രിയുമായി കൂടിക്കാഴ്ച നടത്തി

 കര്‍ണാടക മുഖ്യമന്ത്രിയുമായി കൂടിക്കാഴ്ച നടത്തി

കര്‍ണ്ണാടക: കെ.സി വേണുഗോപാല്‍ എം.പി യുടെ നിര്‍ദ്ദേശപ്രകാരം കേരള കര്‍ണാടക സംസ്ഥാനങ്ങളെ ബന്ധിപ്പിക്കുന്ന ബൈരക്കുപ്പ പാലം നിര്‍മ്മാണവുമായിബന്ധപ്പെട്ട് നിയോജകമണ്ഡലമായ എച്ച്.ഡി.കോട്ടയിലെ എം.എല്‍.എ അനില്‍ ചിക്കമാതുവും  ദേശീയപാത 766 ലെ രാത്രിയാത്ര നിരോധനം പിന്‍വലിക്കുന്നതിന് വേണ്ടി ഗുണ്ടല്‍പേട്ട് എം.എല്‍.എ ഗണേഷ് പ്രസാദും, ഐ.സി ബാലകൃഷ്ണന്‍  എംഎല്‍എ യുടെ നേതൃത്വത്തില്‍  കര്‍ണാടക മുഖ്യമന്ത്രി സിദ്ധരാമയയുമായി ചര്‍ച്ച നടത്തി.  നിലമ്പൂര്‍- നഞ്ചന്‍കോട് റെയില്‍ പാതയുടെ സമാന്തരമായി ഭൂഗര്‍ഭ തുരങ്ക പാതയുടെ സാധ്യത പരിശോധിക്കണമെന്ന് ആവശ്യപ്പെട്ട്  ലോക്‌സഭാ പ്രതിപക്ഷ നേതാവ്  രാഹുല്‍ ഗാന്ധി  കേന്ദ്ര ഗതാഗത വകുപ്പ് മന്ത്രിക്ക്  കത്ത് നല്‍കിയിരുന്നു. നിലമ്പൂര്‍ നഞ്ചന്‍കോട് പാതയുമായി ബന്ധപ്പെട്ട കാര്യങ്ങളും കര്‍ണാടക മുഖ്യമന്ത്രിയുടെ ശ്രദ്ധയില്‍പ്പെടുത്തി. കൂടിക്കാഴ്ചയുടെഅടിസ്ഥാനത്തില്‍  അടിയന്തരമായി മുഖ്യമന്ത്രി സിദ്ധരാമയ്യയുടെ  അധ്യക്ഷതയില്‍ വനം വകുപ്പ്, പിഡബ്ല്യുഡി, മറ്റു വിവിധ വകുപ്പുകളെയും ഏകോപിപ്പിച്ചുകൊണ്ട്  ഇന്ന് യോഗം വിളിച്ചിരിക്കുകയാന്നെന്നും ഐ.സി ബാലകൃഷ്ണന്‍ എംഎല്‍എ അറിയിച്ചു.

middle_ad

അഭിപ്രായങ്ങൾ (Comments)

കമന്റ് ബോക്സിൽ വരുന്ന അഭിപ്രായങ്ങൾ ഓപ്പൺന്യൂസറിന്റെതല്ല. മാന്യമായ ഭാഷയിൽ വിയോജിക്കാനും തെറ്റുകൾ ചൂണ്ടിക്കാട്ടാനും അനുവദിക്കുമ്പോഴും മനഃപൂർവ്വം അധിക്ഷേപിക്കാൻ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മുന്നറിയിപ്പില്ലാതെ നീക്കം ചെയ്യുന്നതാണ് - എഡിറ്റർ