ഖത്തര്‍ ലോകകപ്പ് ക്വാര്‍ട്ടര്‍ ഫൈനല്‍ ലക്ഷ്യമിട്ട് കരുത്തരായ ബ്രസീല്‍ ഇന്നിറങ്ങും. ദക്ഷിണ കൊറിയയാണ് എതിരാളികള്‍. മറ്റൊരു പ്രീ ക്വാര്‍ട്ടറില്‍ ക്രൊയേഷ്യ ഇന്ന് ജപ്പാനെ നേരിടും. ക്രൊയേഷ്യ - ജപ്പാന്‍ മത്സരം ഇന്ത്യന്‍ സമയം രാത്രി 8.30നും ബ്രസീല്‍ - ദക്ഷിണകൊറിയ മത്സരം അര്‍ദ്ധരാത്രി 12.30നും നടക്കും. ഏഷ്യന്‍ ടീമുകള്‍ അട്ടിമറിക്കരുത്ത് കാട്ടിയ ലോകകപ്പില്‍ വീണ്ടും ഒരു അട്ടിമറി നടക്കുമോ എന്നതാണ് ഫുട്‌ബോള്‍ ലോകം ഉറ്റുനോക്കുന്നത്.