ഫേസ്ബുക്ക് അക്കൗണ്ട് ആദ്യമായി ആരംഭിച്ചപ്പോള്‍ നിരവധി സെലിബ്രിറ്റി പേജുകളില്‍ ലൈക്കും കമന്റും ചെയ്തത് ഓര്‍മയുണ്ടോ ? ഓര്‍മയില്ലെങ്കില്‍ അതെല്ലാം ഒരിക്കല്‍ കൂടി ഓര്‍മിപ്പിച്ചിരിക്കുകയാണ് ഫേസ്ബുക്ക്. വര്‍ഷങ്ങള്‍ക്ക് മുന്‍പ് ചെയ്ത അപ്ഡേറ്റുകളും കമന്റുകളും ന്യൂസ് ഫീഡില്‍ നിറഞ്ഞതോടെ ഉപഭോക്താക്കളെല്ലാം അമ്പരന്നു. ഫേസ്ബുക്കിന്റെ അല്‍ഗോരിതത്തില്‍ സംഭവിച്ച തകരാറായിരുന്നു കാരണം.
അമേരിക്കയിലും ബ്രിട്ടനിലുമാണ് തകരാറ് റിപ്പോര്‍ട്ട് ചെയ്തത്. ഇന്നലെ ഉച്ചയ്ക്ക് 12 മണിക്കും 3 മണിക്കുമിടയിലായിരുന്നു തകരാറ് സംഭവിച്ചത്. തുടര്‍ന്ന് നിരവധി പേരാണ് ട്വിറ്ററിലൂടെ പരാതിയുമായി രംഗത്ത് വന്നത്.ഫേസ്ബുക്ക് വെബ്സൈറ്റിലും ആപ്പിലും ഒരുപോലെ തകരാറ് അനുഭവപ്പെട്ടു. സംഭവം ശ്രദ്ധയില്‍പ്പെട്ട ഉടന്‍ തന്നെ തകരാറ് മെറ്റ പരിഹരിച്ചു.
അഭിപ്രായങ്ങൾ (Comments)