കൊവിഡ് ബാധിച്ച് മരിച്ചവരുടെ കുടുംബങ്ങള്ക്കുള്ള ധനസഹായം സാങ്കേതിക വിഷയങ്ങള് കാട്ടി തളളരുതെന്ന് സംസ്ഥാനങ്ങള്ക്ക് സുപ്രീം കോടതിയുടെ നിര്ദ്ദേശം. അച്ഛനമ്മമാരെ നഷ്ടമായ കുട്ടികളെ സര്ക്കാര് സമീപിച്ച് ധനസഹായം നല്കണമെന്നും കോടതി നിര്ദ്ദേശിച്ചു. ധനസഹായം കുട്ടികളുടെ പേരില് നല്കണം. ഇത് ബന്ധുക്കളുടെ പേരിലാകരുത് നല്കുന്നത് എന്നും കോടതി നിര്ദ്ദേശിച്ചു. സഹായത്തിന് അപേക്ഷിക്കാന് ജനങ്ങളെ ബോധവത്ക്കരിക്കണം എന്നും കോടതി പറഞ്ഞു. കൊവിഡ് കാരണം മരിച്ചവരുടെ കുടുംബങ്ങള്ക്ക് ധനസഹായം നല്കുന്നതുമായി ബന്ധപ്പെട്ട കേസ് കേള്ക്കുന്നത് അടുത്ത മാസം നാലിലേക്ക് മാറ്റി.
അഭിപ്രായങ്ങൾ (Comments)