വിവാദമായ 3 കാര്ഷിക നിയമങ്ങള് റദ്ദായി. ശീതകാലസമ്മേളനം പാസ്സാക്കിയ മൂന്ന് കാര്ഷികനിയമങ്ങളും പിന്വലിക്കാനുള്ള ബില്ലില് രാഷ്ട്രപതി രാംനാഥ് കോവിന്ദ് ഒപ്പുവെച്ചു. ഇരുസഭകളിലും മൂന്ന് പേജുള്ള ബില്ല് അവതരിപ്പിച്ചത് കൃഷിമന്ത്രി നരേന്ദ്രസിംഗ് തോമറാണ്. ചര്ച്ചയില്ലാതെയാണ് തിങ്കളാഴ്ച ബില്ല് പാര്ലമെന്റിന്റെ ഇരുസഭകളും പാസ്സാക്കിയത്.
ചര്ച്ച കൂടാതെത്തന്നെ കാര്ഷികനിയമങ്ങള് പിന്വലിച്ചതില് കേന്ദ്രസര്ക്കാരിനെതിരെ വലിയ വിമര്ശനങ്ങള് ഉയര്ന്നിരുന്നു. നിയമങ്ങള് എന്തുകൊണ്ടാണ് പിന്വലിക്കുന്നതെന്ന് ബില്ലില് വ്യക്തമാക്കിയിട്ടുണ്ട്. എല്ലാ പാര്ട്ടികളും ബില്ലിനെ അനുകൂലിക്കുന്നുവെന്നും ആരും എതിര്ക്കുന്നില്ലെന്നും രാജ്യസഭ പ്രതിപക്ഷ നേതാവ് മല്ലികാര്ജ്ജുന് ഖാര്ഗെ പറഞ്ഞിരുന്നു.
ഒരു വര്ഷത്തിലധികം നീണ്ട ഐതിഹാസിക സമരത്തെത്തുടര്ന്ന് കര്ഷകര്ക്ക് മുന്നില് കേന്ദ്ര സര്ക്കാര് കീഴടങ്ങുകയായിരുന്നു. 2020 സെപ്റ്റംബറിലാണ് മൂന്ന് വിവാദ കര്ഷകനിയമങ്ങള് കേന്ദ്രസര്ക്കാര് കൊണ്ടുവരുന്നത്.
അഭിപ്രായങ്ങൾ (Comments)