നാല് മാസത്തിനിടയിലെ ഉയര്ന്ന കണക്ക്; രാജ്യത്ത് കൊവിഡ് കേസുകളില് വന് വര്ധന
രാജ്യത്ത് കൊവിഡ് കേസുകളില് വന് വര്ധന. കഴിഞ്ഞ 24 മണിക്കൂറിനിടെ 40,953 പോസിറ്റീവ് കേസുകളും 188 മരണവും റിപ്പോര്ട്ട് ചെയ്തു. നാലു മാസത്തിനു ശേഷമാണ് ഇത്രയും അധികം കൊവിഡ് കേസുകള് രാജ്യത്ത് റിപ്പോര്ട്ട് ചെയ്യുന്നത്.മഹാരാഷ്ട്രയില് സാഹര്യം സങ്കീര്ണമാണ്. മഹാരാഷ്ട്രയില് കൊവിഡ് കേസുകള് തുടച്ചയായി ഉയരുന്ന സാഹചര്യത്തില് കൂടുതല് നിയന്ത്രണങ്ങള് ഏര്പ്പെടുത്തി. മുംബൈയില് ഈ മാസം 22 മുതല് ഷോപ്പിംഗ് മാളുകളില് പ്രവേശിക്കാന് കൊവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കി. മധ്യപ്രദേശ്, പഞ്ചാബ്, ഡല്ഹി എന്നീ സംസ്ഥാനങ്ങളിലും രോഗബാധിതരുടെ എണ്ണം ഉയരുകയാണ്.മധ്യപ്രദേശിലെ മൂന്ന് നഗരങ്ങളില് നാളെ മുതല് ലോക്ക്ഡൗണ് പ്രഖ്യാപിച്ചു. ഇന്ഡോര്, ഭോപ്പാല് ,ജപല്പൂര് എന്നീ നഗരങ്ങളിലാണ് ലോക്ക്ഡൗണ് പ്രഖ്യാപിച്ചത്. അതേസമയം, രാജ്യത്ത് ഇതുവരെ വാക്സിന് സ്വീകരിച്ചവരുടെ എണ്ണം നാല് കോടി കടന്നു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്