രാജ്യത്തെ പ്രതിദിന കൊവിഡ് രോഗികളില്‍ നേരിയ കുറവ്
രാജ്യത്തെ പ്രതിദിന കോവിഡ് രോഗികളില്‍ നേരിയ കുറവ്. 24 മണിക്കൂറിനിടെ 34,973 പേര്‍ക്ക് രോഗം സ്ഥിരീകരിച്ചു.260 പേര്‍ മരിച്ചു.പ്രതിദിന രോഗികളുടെ എണ്ണത്തില്‍ കഴിഞ്ഞ ദിവസത്തേക്കാള്‍ 19.2 % കുറവ് രേഖപ്പെടുത്തി. 97.49 ശതമാനമാണ് രോഗമുക്തി നിരക്ക്.
കൊവിഡിനെതിരെ വാക്‌സിന്‍ സ്വീകരിക്കുന്നത് മരണം തടയുന്നതില്‍ നിര്‍ണായക പങ്കുവഹിക്കുമെന്ന് ഐസിഎംആര്‍ അറിയിച്ചു. ആദ്യ ഡോസ്, മരണം തടയുന്നതിന് 96.6 ശതമാനം ഫലപ്രദമാണെന്നും രണ്ടാം ഡോസ് മരണം തടയുന്നതിന് 97.5 ശതമാനമാണ് ഫലപ്രദമാണെന്നും ഐസിഎംആര്‍ അറിയിച്ചു. രണ്ടാം തരംഗം രൂക്ഷമായിരുന്നു ഏപ്രില്‍ – മേയ് മാസത്തില്‍ ഉണ്ടായ മിക്ക മരണങ്ങളും വാക്‌സിന്‍ സ്വീകരിക്കാത്തത് കൊണ്ടാണെന്ന് ഐസിഎംആര്‍ വ്യക്തമാക്കി .
രാജ്യത്തെ പ്രതിദിന ടെസ്റ്റ് പോസിറ്റീവ് നിരക്ക് 10 ശതമാനത്തിന് മുകളില്‍ ഉള്ള ജില്ലകളുടെ എണ്ണം 35 ആയി കുറഞ്ഞു. കേരളം ,ഹിമാചല്‍ പ്രദേശ് കൂടാതെ വടക്കുകിഴക്കന്‍ സംസ്ഥാനങ്ങളിലാണ് ടെസ്റ്റ് പോസിറ്റിവിറ്റി നിരക്ക് നിലവില്‍ കൂടുതലുള്ളത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍