കൃഷി ഓഫിസറെ നിയമിക്കുന്നു
സംസ്ഥാന കാര്‍ഷിക വികസന കര്‍ഷകക്ഷേമ വകുപ്പിലെ ഒഴിവുളള കൃഷിഭവനുകളില്‍ കൃഷി ഓഫിസര്‍മാരെ നിയമിക്കുന്നു. അംഗീകൃത ബി.എസ്സ്.സി (അഗ്രികള്‍ച്ചര്‍/ഹോര്‍ട്ടികള്‍ച്ചര്‍ ബിരുദം ഉളളവര്‍ക്ക് അപേക്ഷിക്കാം.കോഴിക്കോട്, എറണാകുളം,തിരുവനന്തപുരം റീജിയണിലെ പ്രൊഫഷണല്‍ എക്‌സിക്യൂട്ടീവ് എംപ്ലോയ്‌മെന്റില്‍ പേര് റജിസ്റ്റര്‍ ചെയ്ത ഉദ്യോഗാര്‍ത്ഥികള്‍ക്ക് ഒക്‌ടോബര്‍ 19,20,21 തിയ്യതികളില്‍ രാവിലെ 10 മണി മുതല്‍ നടക്കുന്ന കൂടികാഴ്ച്ചയില്‍ പങ്കെടുക്കാം. വേതനം 39,500 രൂപ. താല്‍പര്യമുളളവര്‍ വയസ്സ്,യോഗ്യത,തിരിച്ചറിയല്‍ എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അസ്സല്‍ പകര്‍പ്പ്, പ്രൊഫഷണല്‍ എക്‌സിക്യൂട്ടീവ് എംപ്ലോയ്‌മെന്റിലെ രജിസ്‌ട്രേഷന്‍ കാര്‍ഡ് എന്നിവ സഹിതം കാര്‍ഷിക വികസന കര്‍ഷകക്ഷേമ വകുപ്പ് ഡയറക്ടറേറ്റില്‍ ഹാജരാകണം.
