യൂത്ത് കേരള എക്‌സ്പ്രസ് അപേക്ഷ ക്ഷണിച്ചു
സംസ്ഥാന യുവജനക്ഷേമ ബോര്‍ഡ് യൂത്ത് ക്ലബ്ബുകളുടെ ശാക്തീകരണത്തിനായി യൂത്ത് കേരള എക്‌സ്പ്രസ്സ് പദ്ധതി നടപ്പാക്കുന്നു. ക്ലബ്ബുകള്‍ നടത്തുന്ന പരിസ്ഥിതി പ്രവര്‍ത്തനം വനിതാ ശാക്തീകരണം സാമൂഹിക സേവനം ബോധവല്‍കരണം, സാംസ്‌കാരികം, സ്‌പോര്‍ട്‌സ് തുടങ്ങിയ 6 വിഭാഗങ്ങളിലുള്ള പ്രവര്‍ത്തനങ്ങളാണ് ഇതിന്റെ ഭാഗമായി വിലയിരുത്തുക. ഓരോ മേഖലയിലും നടത്തിയ പ്രവര്‍ത്തനങ്ങളുടെ 3 മിനിറ്റ് ദൈര്‍ഘ്യമുള്ള വീഡിയോകള്‍ സെപ്റ്റംബര്‍ 15നകം കേരള സംസ്ഥാന യുവജനക്ഷേമ ബോര്‍ഡിന്റെ അതത് ജില്ലാ ഓഫീസുകളിലോ മെമ്പര്‍ സെക്രട്ടറി, കേരള സംസ്ഥാന യുവജനക്ഷേമ ബോര്‍ഡ്, ദൂരദര്‍ശന്‍ കേന്ദ്രത്തിനു സമീപം, കുടപ്പനക്കുന്ന്.പി.ഒ, തിരുവനന്തപുരം എന്ന വിലാസത്തിലോ അയക്കണം.
വീഡിയോകളില്‍ മേഖല വ്യക്തമായി രേഖപ്പെടുത്തണം. സെപ്റ്റംബര്‍ 30ന് ഇതില്‍നിന്നുള്ള 100 ക്ലബ്ബുകള്‍ക്ക് സംസ്ഥാനത്ത് 3 മേഖലാ മത്സരങ്ങള്‍ നടത്തും. തെരഞ്ഞെടുക്കുന്ന 100 ക്ലബുകള്‍ക്ക് തയ്യാറെടുപ്പുകള്‍ക്കായി സാമ്പത്തിക സഹായം നല്‍കും. സോണല്‍ മത്സരങ്ങളില്‍ വിജയികളാകുന്നവര്‍ക്ക് 50000, 25000, 10000 എന്നിങ്ങനെ ക്യാഷ് അവാര്‍ഡ് നല്‍കും. സോണല്‍ മത്സരങ്ങളിലെ വിജയികള്‍ക്ക് സംസ്ഥാനതല മത്സരത്തില്‍ പങ്കെടുക്കാം. രണ്ട് ലക്ഷം, ഒരുലക്ഷം, അമ്പതിനായിരം എന്നിങ്ങനെ അവാര്‍ഡ് നല്‍കും. നിലവില്‍ അഫിലിയേഷന്‍ ഇല്ലാത്ത യൂത്ത് ക്ലബ്ബുകള്‍ യുവജനക്ഷേമ ബോര്‍ഡിന്റെ ജില്ലാ ഓഫീസില്‍ നിന്നും അഫിലിയേഷന്‍ നേടി മത്സരത്തില്‍ പങ്കെടുക്കാം. വിലാസം. ജില്ലാ യൂത്ത് പ്രോഗ്രാം ഓഫീസര്‍, ജില്ലാ യുവജന കേന്ദ്രം, ചക്കാലക്കല്‍ അപ്പാര്‍ട്‌മെന്റ്, ഹരിതഗിരി റോഡ്, കല്‍പ്പറ്റ, വയനാട്. ഫോണ്‍ 04936 204700 ഇ.മെയില്‍ wynd.ksywb@kerala.gov.in
