ഡിജിറ്റല്‍ സിഗ്നേച്ചര്‍ വിതരണം
ട്രഷറി വകുപ്പിന്റെ ആഭിമുഖ്യത്തില്‍ ജില്ലയിലെ ഡ്രോയിംഗ് ആന്‍ഡ് ഡിസ്‌ബേഴ്‌സിംഗ് ഓഫീസര്‍മാര്‍ക്ക് ഡിജിറ്റല്‍ സിഗ്നേച്ചര്‍ ആഗസ്റ്റ് 3 ന് രാവിലെ 10 മുതല്‍ കല്‍പ്പറ്റ എ.പി.ജെ. അബ്ദുള്‍ കലാം ഹാളില്‍ വിതരണം നടത്തും. സ്പാര്‍ക്ക് വെബ് സൈറ്റിന്റെ ഹോം പേജില്‍ ഡിജിറ്റല്‍ സിഗ്നേച്ചറിനുള്ള അപേക്ഷയും അനുബന്ധ വിവരങ്ങളും ലഭ്യമാണ്. വ്യക്തിയെ തിരിച്ചറിയുന്നതിന് ഏറ്റവും പുതിയ പാസ്‌പോര്‍ട്ട് സൈസ് ഫോട്ടോയും പാന്‍ കാര്‍ഡ്, ഡ്രൈവിംഗ് ലൈസന്‍സ്, പാസ്‌പോര്‍ട്ട്, ഗവ.ഐ.ഡി. കാര്‍ഡ്, പോസ്റ്റ് ഓഫീസ് ഐ.ഡി.കാര്‍ഡ്, ബാങ്ക് പാസ് ബുക്ക് എന്നിവയുടെയും, മേല്‍വിലാസത്തിന്റെ തെളിവിന് ടെലഫോണ്‍, വൈദ്യുതി, വാട്ടര്‍ അതോറിറ്റി ബില്‍, ഇലക്ഷന്‍ ഐ.ഡി, പാചകവാതക കണക്ഷന്‍ രേഖ, ബാങ്ക് പാസ് ബുക്ക്, പാസ്‌പോര്‍ട്ട്, ആധാര്‍, തദ്ദേശ സ്വയംഭരണ സ്ഥാപന നികുതി രസീത് എന്നിവയുടെയും ഗസറ്റഡ് ഓഫീസര്‍ (അപേക്ഷകനല്ലാത്ത) സാക്ഷ്യപ്പെടുത്തിയ പകര്‍പ്പ് ഹാജരാക്കണം.
