മാനന്തവാടി: വയനാട് ജില്ലയില്‍ ഇന്ന് (21.07.21) 475 പേര്‍ക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍.രേണുക അറിയിച്ചു. 335 പേര്‍ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 11.06 ആണ്. 473 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 6 ആരോഗ്യ പ്രവര്‍ത്തര്‍ക്കും രോഗം സ്ഥിരീകരിച്ചു. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ എണ്ണം 72413 ആയി. 67363 പേര്‍ ഇതുവരെ രോഗമുക്തരായി. നിലവില്‍ 4277 പേരാണ് ജില്ലയില്‍ ചികിത്സയിലുള്ളത്. ഇവരില്‍ 3084 പേര്‍ വീടുകളിലാണ് ഐസൊലേഷനില്‍ കഴിയുന്നത്. 

 രോഗം സ്ഥിരീകരിച്ചവര്‍

മാനന്തവാടി 70, വെള്ളമുണ്ട 51, നെന്‍മേനി 34, അമ്പലവയല്‍ 29, മുട്ടില്‍ 27, പനമരം, പൂതാടി 25 വീതം, സുല്‍ത്താന്‍ ബത്തേരി 23, നൂല്‍പ്പുഴ 20, ഇടവക 17, മൂപ്പൈനാട്, പുല്‍പ്പള്ളി 15 വീതം, മേപ്പാടി 14, തവിഞ്ഞാല്‍, തിരുനെല്ലി, മീനങ്ങാടി 13 വീതം, കല്‍പ്പറ്റ, കണിയാമ്പറ്റ 11 വീതം, വെങ്ങപ്പള്ളി 9, തരിയോട്, മുള്ളന്‍കൊല്ലി 7 വീതം, തൊണ്ടര്‍നാട്, വൈത്തിരി 6 വീതം, പടിഞ്ഞാറത്തറ 5, കോട്ടത്തറ 4, പൊഴുതന 3 പേര്‍ക്കുമാണ് സമ്പര്‍ക്കത്തിലൂടെ രോഗം  സ്ഥിരീകരിച്ചത്. ഇതര സംസ്ഥാനത്തു നിന്നെത്തിയ 2 തമിഴ്‌നാട് സ്വദേശികളും രോഗ ബാധിതരായി.

 335 പേര്‍ക്ക് രോഗമുക്തി

ആശുപത്രിയില്‍ ചികിത്സയിലായിരുന്ന 32 പേരും, വീടുകളില്‍ നിരീക്ഷണത്തില്‍ കഴിഞ്ഞിരുന്ന 303 പേരുമാണ് രോഗമുക്തരായത്.

 1142 പേര്‍ പുതുതായി നിരീക്ഷണത്തില്‍

കോവിഡുമായി ബന്ധപ്പെട്ട് ജില്ലയില്‍ ഇന്ന് (21.07.21) പുതുതായി നിരീക്ഷണത്തിലായത് 1142 പേരാണ്. 1144 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 14079 പേര്‍. ഇന്ന് പുതുതായി 100 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് 3168 സാമ്പിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 565365 സാമ്പിളുകളാണ് പരിശോധനയ്ക്ക് അയച്ചത്. ഇതില്‍ 529730 എണ്ണത്തിന്റെ ഫലം ലഭിച്ചു. 457317 പേര്‍ നെഗറ്റീവും 72413 പേര്‍ പോസിറ്റീവുമാണ്.