കബനി നീര്‍ത്തട അഴിമതി; എം.എല്‍.എ ടി.സിദ്ദീഖ് പദ്ധതി പ്രദേശം സന്ദര്‍ശിച്ചു
കോട്ടത്തറ: കബനി നീര്‍ത്തട സംരക്ഷണത്തിന്റെ മറവില്‍ കോട്ടത്തറ ഗ്രാമ പഞ്ചായത്തില്‍ വന്‍ ക്രമക്കേടുകള്‍ ഉണ്ടെന്ന നാട്ടുകാരുടെ പരാതിയെ തുടര്‍ന്ന് പദ്ധതി പ്രദേശം കല്‍പ്പറ്റ നിയോജക മണ്ഡലം എം.എല്‍.എ ടി.സിദ്ദീഖ് സന്ദര്‍ശിച്ചു.പദ്ധതിയില്‍ ക്രമക്കേടുകള്‍ നടന്നതായി പ്രഥമ ദൃഷ്ട്യാ ബോധ്യപ്പെട്ടതായി എം.എല്‍.എ പറഞ്ഞു.കുറ്റക്കാര്‍ക്കെതിരെ നടപടി ഉണ്ടാവാന്‍ ആവശ്യമായ ഇടപെടെലുകള്‍ നടത്തുമെന്ന് അദ്ദേഹം ഉറപ്പ് നല്‍കി. ഗുണഭോക്താക്കളുടെയും നിര്‍വ്വഹണ ഉദ്യോഗസ്ഥരുടെയും ജന പ്രതിനിധികളുടെയും സംയുക്ത യോഗം വിളിച്ചു ചേര്‍ക്കാന്‍ ഗ്രാമ പഞ്ചായത്ത് പ്രസിഡണ്ടി നോട് എം.എല്‍. എ ആവശ്യപ്പെട്ടു.ആ യോഗത്തില്‍ എം.എല്‍.എയും സംബന്ധിക്കും. കോട്ടത്തറ ഗ്രാമ പഞ്ചായത്ത് പ്രസിഡണ്ട് പി.പി.രനീഷ്. ജില്ലാ പഞ്ചായത്ത് വിദ്യഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ എം.മുഹമ്മദ് ബഷീര്‍ കല്‍പറ്റ ബ്ലോക് പഞ്ചായത്ത് വൈസ് പ്രസിഡണ്ട് പി.കെ.അബ്ദുള്‍ റഹിമാന്‍ ഗഫൂര്‍ വെണ്ണിയോട്. സി.സി.തങ്കച്ചന്‍ തുടങ്ങിയവരും എം എല്‍ എ കൊപ്പമുണ്ടായിരുന്നു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍