ബത്തേരി: സുല്‍ത്താന്‍ ബത്തേരി ടൗണില്‍ വില്‍പ്പനക്കായി കൊണ്ടുവന്ന 27 ലിറ്റര്‍ കര്‍ണ്ണാടക സംസ്ഥാനത്ത് മാത്രം വില്‍പ്പനാധികാരമുള്ള ഇന്ത്യന്‍ നിര്‍മ്മിത വിദേശ മദ്യം എക്‌സൈസ് പാര്‍ട്ടി പിടിച്ചെടുത്തു. സംഭവുമായി ബന്ധപ്പെട്ട് രണ്ട് പേരെ അറസ്റ്റ് ചെയ്തു. ബത്തേരി എക്‌സൈസ് റേഞ്ച് പാര്‍ട്ടി ടൗണില്‍ നടത്തിയ പരിശോധനയിലാണ് 2 കേസുകളിലായി മദ്യം പിടികൂടിയത്. നായ്ക്കട്ടി മണിമുണ്ട വാളംക്കോട്ട് ലിജോ തോമസ് (28), നീലഗിരി മുന്നനാട് മദാരി വീട്ടില്‍റംഷാദ് എസ് (28)എന്നിവരെയാണ് അറസ്റ്റ് ചെയ്തത്.അസി.എക്‌സൈസ് ഇന്‍സ്‌പെക്ടര്‍ റിനോഷ് ആര്, നേതൃത്വം നല്‍കിയ പരിശോധനയില്‍ പ്രിവന്റീവ് ഓഫീസര്‍ അജീഷ് ടി.ബി, സിവില്‍ എക്‌സൈസ് ഓഫീസര്‍മാരായ ബിനു മോന്‍ എ.എം , മനു.കെ, വിനോദ് പി.ആര്,ജ്യോതിസ് മാത്യു, ശിവന്‍ ഇ.ബി, വനിത സിവില്‍ എക്‌സൈസ് ഓഫീസര്‍ പ്രസന്ന ടി.ജി, രമ്യ ബി.ആര് എന്നിവര്‍ പങ്കെടുത്തു
അഭിപ്രായങ്ങൾ (Comments)