വയനാട് ജില്ലയില് കോവിഡ് പ്രതിരോധ പ്രവര്ത്തനം ശക്തമാക്കി: വയനാട് ജില്ലാ പോലീസ് മേധാവി
കല്പ്പറ്റ: വയനാട് ജില്ലയില് കോവിഡ് രോഗ ടെസ്റ്റ് പോസ്റ്റിവിറ്റി റേറ്റ് കൂടുന്ന സാഹചര്യത്തില് കോവിഡ് പ്രതിരോധ പ്രവര്ത്തനം ശക്തമാക്കിയതായി ജില്ലാ പോലീസ് മേധാവി ഡോ.അര്വിന്ദ് സുകുമാര് ഐ.പി.എസ് അറിയിച്ചു. ഇതിന്റെ ഭാഗമായി വീടുകളില് ക്വാറന്റൈന് നിര്ദേശിക്കപ്പെട്ടവര് ക്വാറന്റൈന് ലംഘിച്ച് പുറത്ത് ഇറങ്ങിയതിന് ഇന്ന് ജില്ലയില് ഏഴ് പേര്ക്കെതിരെ കേസ് രജിസ്റ്റര് ചെയ്തു.ജില്ലാ അഡീഷണല് എസ്.പി.യുടെ നേത്യത്വത്തിലുള്ള പ്രത്യേക സ്ക്വാഡുകള് ക്വാറന്റൈനില് കഴിയുന്നവരുടെ വീടുകളില് നേരിട്ട് പരിശോധന നടത്തുന്നുണ്ടെന്നും അദ്ദേഹം. കൂടാതെ ജില്ലാ സൈബര്സെല് സദാസമയം ടവര് ലൊക്കേഷന് നിരീക്ഷണം നടത്തുന്നുണ്ടെന്നും, വീടുകളില് ക്വാറന്റൈന് നിര്ദേശിക്കപ്പെട്ടവര് നിര്ദേശം ലംഘിച്ച് പുറത്തിറങ്ങുന്നത് ശ്രദ്ധയില്പ്പെട്ടാല് 9497976011 എന്ന നമ്പറിലും, യാത്ര പാസുകളുമായി ബന്ധപ്പെട്ട അത്യാവശ്യ സാഹചര്യങ്ങളില് 04936202521 നമ്പറിലും, കോവിഡ് ഹെല്പ്പ് ലൈന് ആവശ്യങ്ങള്ക്കായി 9497980833 എന്ന നമ്പറിലും ബന്ധപ്പെടാവുന്നതാണെന്ന് ജില്ലാ പോലീസ് മേധാവിഅറിയിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്