ലോക്ക്ഡൗണില് പട്ടിണിയിലായ മിണ്ടാപ്രാണികള്ക്ക് അന്നവുമായി അബ്ദു..!
പുല്പ്പള്ളി: ലോക്ക്ഡൗണില് തട്ടുകടകള് ഉള്പ്പെടെ അടച്ചിട്ടതോടെ പ്രതിസന്ധിയിലായ പൂച്ചകള്ക്കും, തെരുവ് നായ്ക്കള്ക്കും ഭക്ഷണം നല്കി മാതൃകയാവുകയാണ് പുല്പ്പള്ളിയിലെ അബ്ദു. വര്ഷങ്ങളായി പുല്പ്പള്ളിയില് തട്ടുകട നടത്തിവരുന്ന അബ്ദുവിനെ ആശ്രയിച്ച് നിരവധി പൂച്ചകളും, നായ്ക്കളുമായിരുന്നു കഴിഞ്ഞിരുന്നത്. തട്ടുകടയിലെ ഭക്ഷണാവശിഷ്ടങ്ങള് ഉള്പ്പെടെ കഴിച്ചായിരുന്നു പൂച്ചകളും നായ്ക്കളും കഴിഞ്ഞിരുന്നത്. കോവിഡ് വ്യാപനത്തിന്റെ സാഹചര്യത്തില് പുല്പ്പള്ളിയില് കഴിഞ്ഞ രണ്ടാഴാചയായി കണ്ടൈന്മെന്റ് സോണായി പ്രഖ്യാപിച്ചിരിക്കുകയായിരുന്നു. ഈ സാഹചര്യത്തില് പട്ടിണിയിലായ പൂച്ചകള്ക്കും നായ്ക്കള്ക്കും വീട്ടില് നിന്നും ഭക്ഷണമെത്തിച്ച് നല്കുകയാണ് നിലവില് അബ്ദു.
എന്നാല് ലോക്ക്ഡൗണ് കര്ശനമാക്കിയതോടെ ടൗണിലേക്ക് ഭക്ഷണവുമായി വരാന് പോലും പറ്റാത്ത അവസ്ഥയിലാണ് താനെന്ന് അബ്ദു പറയുന്നു. വര്ഷങ്ങളായി തന്റെ ജീവിതത്തിന്റെ ഭാഗമായ ഈ മൃഗങ്ങളെ കോവിഡ് കാലത്ത് മറക്കാനാവില്ലെന്നും അദ്ദേഹം കൂട്ടിച്ചേര്ത്തു. കോഴിക്കോട് സ്വദേശിയായ അബ്ദു നാട്ടില് പോകാറുള്ള സമയത്ത് പൂച്ചകള്ക്കും മറ്റും ഭക്ഷണം കൊടുക്കാന് സമീപത്തെ ആളുകളെ ഏല്പ്പിക്കുമായിരുന്നു. നിലവില് ആര്ക്കും പുറത്തിറക്കാന് പറ്റാത്ത സാഹചര്യമായതിനാല് വളരെ പണിപ്പെട്ടാണ് മൃഗങ്ങള്ക്കുള്ള തീറ്റയുമായി അബ്ദു പുല്പ്പള്ളിയിലെത്തുന്നത്. അബ്ദുവിന്റെ വരവിനായി കാത്ത് ഇരിക്കുകയാണ് ഇപ്പോള് തട്ടുകടയിലെ പൂച്ചകളും നായ്ക്കളും.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്