20 ലക്ഷത്തോളം രൂപയുടെ കുഴല്‍പണം പിടികൂടി;2 പേര്‍ അറസ്റ്റില്‍
മുത്തങ്ങ: കല്‍പ്പറ്റ ജെ.എസ്.പിക്ക് ലഭിച്ച രഹസ്യവിവരത്തെ തുടര്‍ന്ന് ജെ.എസ്.പി സ്‌പെഷല്‍ സ്‌ക്വാഡും, ബത്തേരി പോലീസും മുത്തങ്ങയില്‍ സംയുക്തമായി നടത്തിയ പരിശോധനയില്‍ ലോറിയില്‍ ഒളിപ്പിച്ചു കടത്തുകയായിരുന്ന 19,96,250 രൂപയുടെ കുഴല്‍പണം പിടികൂടി. കര്‍ണ്ണാടകയില്‍ നിന്നും കൊടുവള്ളിയിലേക്ക് ചരക്കുമായി വരികയായിരുന്ന കെ.എ 21 എ 5707 നമ്പര്‍ ലോറിയിലെ ക്യാബിനില്‍ ഒളിപ്പിച്ച പണമാണ് പിടികൂടിയത്. പണം കടത്തിയ കൊടുവള്ളി മടവൂര്‍ സ്വദേശികളായ ആദര്‍ശ് (25), മുഹമ്മദ് ഫവാസ് (26) എന്നിവരെ അറസ്റ്റ് ചെയ്തു.കല്‍പ്പറ്റ ജെ.എസ്.പി സ്‌പെഷ്യല്‍ സ്‌ക്വോഡിലെ എസ്. ഐ പി ജയചന്ദ്രന്‍, സിവില്‍ പോലീസ് ഉദ്യോഗസ്ഥരായ ടി പി അബ്ദുറഹ്മാന്‍ , കെ.കെ വിപിന്‍ , ഷാലു ഫ്രാന്‍സിസ് എന്നിവരും ബത്തേരി സ്‌റ്റേഷന്‍ എസ്.ഐ മാരായ ആര്‍ .എന്‍ പ്രശാന്ത്, ബിജു, സിവില്‍ പോലീസ് ഉദ്യോഗസ്ഥരായ സജാദ്, സന്തോഷ് എന്നിവര്‍ നടത്തിയ സംയുക്ത പരിശോധനയിലാണ് പണം പിടിച്ചത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍