പഞ്ചായത്ത് ഓഫീസിലേക്ക് മാര്ച്ചും ധര്ണ്ണയും നടത്തി
പുല്പ്പള്ളി: മുള്ളന്കൊല്ലി പഞ്ചായത്ത് ബഡ്ജറ്റില് കാര്ഷിക മേഖലയെയും ഭവനനിര്മ്മാണമേഖലയെയും പൂര്ണ്ണമായി അവഗണിച്ചത് കര്ഷകരോടുള്ള വെല്ലുവിളിയാണെന്ന് സി.പി.എം പുല്പ്പള്ളി ഏരിയ സെക്രട്ടറി എം.എസ് സുരേഷ് ബാബു. വരള്ച്ചയും കൃഷി നാശവും മൂലം ഏറെ പ്രതിസന്ധിയിലായ മേഖലയായിട്ടു പോലും ബഡ്ജറ്റില് ഫണ്ട് വകയിരുത്താന് തയ്യാറാകാത്തത് മുള്ളന്കൊല്ലിയില് പഞ്ചായത്ത് ഭരണസമിതിയുടെ നിഷേധാത്മക നിലപാടാണെന്നും അദ്ദേഹം പറഞ്ഞു.മുള്ളന്കൊല്ലി പഞ്ചായത്ത് ഓഫീസിലേക്ക് എല്.ഡി.എഫ് പഞ്ചായത്ത് കമ്മിറ്റിയുടെ നേതൃത്വത്തില് നടത്തിയ ബഹുജന മാര്ച്ചും ധര്ണ്ണയും ഉദ്ഘാടനം ചെയ്ത് സംസാരിക്കുകയായിരുന്നു സുരേഷ് ബാബു. ടോമി അദ്ധ്യക്ഷത വഹിച്ചു.പി.ജെ പൗലോസ്, കെ.എന് സുബ്രമണ്യന്, കെ.വി ജോബി ,പി.എ മുഹമ്മദ്, ഐ.കെ.കെ ബേബി, സി.പി വിന്സെന്റ്, കെ.കെ ചന്ദ്രബാബു, കലേഷ്, മുഹമ്മദ് ഷാഫി ,ഷെല്ജന് ചാലക്കല് എന്നിവര് പ്രസംഗിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്