പഞ്ചായത്തിലെ ശുചീകരണ ജീവനക്കാരെ ആദരിച്ചു
മീനങ്ങാടി: മീനങ്ങാടി ഗവ.ഹയര്‍ സെക്കണ്ടറി സ്‌കൂളിലെ ഭൂമിത്ര സേനയുടെയും, നാഷനല്‍ സര്‍വീസ് സ്‌കീമിന്റെയും, ഫോറസ്ട്രി ക്ലബ്ബിന്റേയും സംയുക്താഭിമുഖ്യത്തില്‍ പഞ്ചായത്തിലെ ശുചീകരണ ജീവനക്കാരെ ആദരിച്ചു. നാടും നഗരവും മാലിന്യ വിമുക്തമാക്കി സൂക്ഷിക്കുന്നതില്‍ ജീവനക്കാര്‍ പുലര്‍ത്തുന്ന മികവും, സേവന സന്നദ്ധതയും മുന്‍നിര്‍ത്തിയാണ് ചടങ്ങ് സംഘടിപ്പിച്ചത്. മീനങ്ങാടി ഗ്രാമപഞ്ചായത്ത് പ്രസിഡണ്ട് കെ.ഇ വിനയന്‍ ഉദ്ഘാടനം ചെയ്തു. പി.ടി.എ.പ്രസിഡണ്ട് മനോജ് ചന്ദനക്കാവ് അധ്യക്ഷത വഹിച്ചു. ജില്ലാ പഞ്ചായത്ത് ഡിവിഷന്‍ മെമ്പര്‍ സിന്ധു ശ്രീധരന്‍ മുഖ്യപ്രഭാഷണം നടത്തി.ഗ്രാമ പഞ്ചായത്ത് അംഗങ്ങളായ ടി.പി.ഷിജു, പി.വി.വേണുഗോപാല്‍ ,ബിന്ദു മോഹനന്‍, ശാരദ സുബ്രഹ്മണ്യന്‍, സ്‌കൂള്‍ പ്രിന്‍സിപ്പാള്‍ ഷിവി കൃഷ്ണന്‍, ഭൂമിത്ര സേന കോഡിനേറ്റര്‍ എം.കെ.രാജേന്ദ്രന്‍, ടി.എം ഹൈറുദ്ദീന്‍, ഡോ.ബാവ കെ. പാലുകുന്ന്, എം.പോള്‍സണ്‍, ഡോ.പി.ശിവപ്രസാദ്, വേണുഗോപാല്‍ എന്നിവര്‍ പ്രസംഗിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍