പലചരക്ക് കടയില്‍ വില്‍പ്പനക്കായി സൂക്ഷിച്ച കര്‍ണ്ണാടക മദ്യം പിടികൂടി
കേണിച്ചിറ: ഇരുളം ടൗണില്‍ പലവ്യഞ്ജന കടയില്‍ നിന്നും അനധികൃതമായി വില്‍പ്പനക്കായി സൂക്ഷിച്ചകര്‍ണ്ണാടക മദ്യം പിടികൂടി. മദ്യവില്‍പ്പന നടത്തി വന്ന യുവാവിനെ പോലീസ് അറസ്റ്റു ചെയ്തു. പെരിക്കല്ലൂര്‍ മാമ്പിള്ളിയില്‍ വീട്ടില്‍ ഉണ്ണി എന്ന അജിത്ത് (27) ആണ് അറസ്റ്റിലായത്.കേരളത്തില്‍ നിയമം മൂലം നിരോധിച്ച കര്‍ണ്ണാടക മദ്യം വില്‍പ്പന നടത്തിവരുന്നതായി വയനാട് ജില്ലാ പോലീസ് മേധാവി ജി. പൂങ്കുഴലി ഐ.പി.എസിന് ലഭിച്ച രഹസ്യ വിവരത്തെ തുടര്‍ന്ന് നാര്‍കോട്ടിക് സെല്‍ ഡി.വൈ.എസ്.പി വി. രജികുമാറും സ്‌ക്വാഡ് അംഗങ്ങളും,കേണിച്ചിറ എസ്.ഐ എം.രവീന്ദ്രനും സംഘവും സംയുക്തമായാണ് പരിശോധന നടത്തിയത്. കടയില്‍ വില്‍പ്പനക്കായി സൂക്ഷിച്ച 12 കുപ്പി കര്‍ണ്ണാടക മദ്യവും പിടിച്ചെടുത്തു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍