സൗജന്യ എന്‍ട്രന്‍സ് പരീക്ഷാ പരിശീലനം
2018 മാര്‍ച്ചിലെ പ്ലസ്ടു സയന്‍സ്, കണക്ക് പരീക്ഷയില്‍ നാല് വിഷയത്തിനെങ്കിലും ബി ഗ്രേഡ് ലഭിച്ചവരും 2018 ലെ മെഡിക്കല്‍ പൊതു പ്രവേശന പരീക്ഷയില്‍ 15 ശതമാനത്തില്‍ കുറയാതെ മാര്‍ക്ക് നേടിയവരുമായ പട്ടിക വര്‍ഗ്ഗ വിദ്യാര്‍ത്ഥികള്‍ക്ക് സൗജന്യമായി നീറ്റ്/എഞ്ചിനീയറിംഗ് എന്‍ട്രന്‍സ് പരീക്ഷാ പരിശീലനം നടത്തുന്നു. 2018 ലെ മെഡിക്കല്‍ പ്രവേശന പരീക്ഷയില്‍ ഒരു വര്‍ഷത്തെ പരിശീലനത്തില്‍ പങ്കെടുത്തതും 25 ശതമാനത്തില്‍ കുറയാതെ സ്‌കോര്‍ നേടിയ വിദ്യാര്‍ത്ഥികളെയും മതിയായ അപേക്ഷകരില്ലാത്ത സാഹചര്യത്തില്‍ പരിഗണിക്കും. താല്‍പര്യമുള്ളവര്‍ വിദ്യാര്‍ത്ഥിയുടെ പേര്, വിലാസം, ഫോണ്‍ നമ്പര്‍, പരിശീലനം ക്രമീകരിക്കുന്ന സ്ഥലത്ത് താമസിച്ച് പരിശീലനത്തില്‍ പങ്കെടുക്കുന്നതിനുള്ള സമ്മതപത്രം, പ്ലസ്ടു സര്‍ട്ടിഫിക്കറ്റ്, പ്രവേശന പരീക്ഷയുടെ സ്‌കോര്‍ഷീറ്റിന്റെ പകര്‍പ്പ്, ജാതി, വരുമാന സര്‍ട്ടിഫിക്കറ്റുകളുടെ പകര്‍പ്പ് എന്നിവ സഹിതം ജൂണ്‍ 26ന് വൈകീട്ട് 5 നകം ഐ.റ്റി.ഡി.പി. ഓഫീസില്‍ സമര്‍പ്പിക്കണം. കോഴ്‌സ് ഫീസ്, താമസം, ഭക്ഷണം സൗജന്യമായിരിക്കും.
