പ്രവാസി

ജീവിത ശൈലികളും ആരോഗ്യവും  സെമിനാര്‍ സംഘടിപ്പിച്ചു. 

ജീവിത ശൈലികളും ആരോഗ്യവും  സെമിനാര്‍ സംഘടിപ്പിച്ചു. 

കുവൈത്ത് ഗ്ലോബല്‍ കേരള പ്രവാസി അസോസിയേഷന്‍   മംഗഫ് ഇന്ദ്രപ്രസ്ഥം ഓഡിറ്റോറിയത്തില്‍ സംഘടിപ്പിച്ച സെമിനാറില്‍ ജീവിത ശൈലികളും ആരോഗ്യവും എന്ന വിഷയത്തില്‍ അമീരി ഹോസ്പിറ്റല്‍ ഡെന്റല്‍ സര്‍ജന്‍ ഡോ.പ്രതാപ് ഉണ്ണിത്താന്‍  ക്ലാസെടുത്തു.പ്രവാസികള്‍ ജിവിത ശൈലികളില്‍ ശ്രദ്ധ ചെലുത്തേണ്ടത് അത്യാവശ്യമാണെന്നും വളരെ സര്‍വ്വസാധാരണമായ എന്നാല്‍ ലളിതവുമായ ശീലങ്ങളിലൂടെ ക്യാന്‍സര്‍, ടെന്‍ഷന്‍,ലഹരി എന്നിവയില്‍ നിന്നും മുക്തമാവാന്‍ സാധിക്കുമെന്നും അദ്ദേഹം പറഞ്ഞു.രണ്ട് മണിക്കൂര്‍ നീണ്ടു നിന്ന പ്രഭാഷണം സദസ്സിനു പ്രതീക്ഷിച്ചതിലും അധികം അറിവ് നല്‍കാന്‍ പ്രാപ്തം ആയിരുന്നു എന്ന് കുവൈത്ത് ചാപ്റ്റര്‍ പ്രസിഡന്റ് പ്രേംസണ്‍ കായംകുളം അറിയിച്ചു. ജോയിന്റ് സെക്രട്ടറി അഷറഫ് സ്വാഗതം പറഞ്ഞു. ചാപ്റ്റര്‍ സെക്രട്ടറി ശ്രീകുമാര്‍, ട്രഷറര്‍ ലെനീഷ്, കോര്‍ അഡ്മിന്മാരായ റെജി ചിറയത്ത്, മുബാറക്ക് കാമ്പ്രത്ത്, രവി പാങ്ങോട് , പ്രോജക്ട് കോര്‍ഡിനേറ്റര്‍ കൂടെയായ കോര്‍ അഡ്മിന്‍ റഷീദ് പുതുക്കുളങ്ങര , വനിതാ വേദി ചെയര്‍പേഴ്‌സണ്‍ വനജരാജന്‍, വനിതാ വേദി സെക്രട്ടറി അംബിക മുകുന്ദന്‍, വൈസ് പ്രസിഡന്റുമാരായ സെബാസ്റ്റ്യന്‍ വതുകാടന്‍ പ്രസന്നന്‍ എം കെ , വിവിധ ഏരിയ ഭാരവാഹികള്‍ എന്നിവരും അംഗങ്ങളും സന്നിഹിതരായിരുന്നു. സെമിനാറിന് സമാന്തരമായി അംഗത്വ ക്യാംപൈനും അംഗത്വ കാര്‍ഡ് വിതരണവും സംഘടിപ്പിച്ചിരുന്നു. 

 

middle_ad

അഭിപ്രായങ്ങൾ (Comments)

കമന്റ് ബോക്സിൽ വരുന്ന അഭിപ്രായങ്ങൾ ഓപ്പൺന്യൂസറിന്റെതല്ല. മാന്യമായ ഭാഷയിൽ വിയോജിക്കാനും തെറ്റുകൾ ചൂണ്ടിക്കാട്ടാനും അനുവദിക്കുമ്പോഴും മനഃപൂർവ്വം അധിക്ഷേപിക്കാൻ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മുന്നറിയിപ്പില്ലാതെ നീക്കം ചെയ്യുന്നതാണ് - എഡിറ്റർ