കുരങ്ങുപനി പ്രതിരോധം; 4300 ഡോസ് വാക്സിന് എത്തി; കുത്തിവെപ്പ് ആരോഗ്യകേന്ദ്രങ്ങള് വഴി
ജില്ലയില് കുരങ്ങുപനിയുടെ രോഗാണുക്കള് കണ്ടെത്തിയ സാഹചര്യത്തില് പ്രതിരോധ പ്രവര്ത്തനങ്ങള് ഊര്ജ്ജിതമാക്കി. രോഗവ്യാപനത്തിന് കൂടുതല് സാധ്യതയുളള പുല്പ്പള്ളി, മുള്ളന്കൊല്ലി, പാക്കം, ചെതലയം, നൂല്പ്പുഴ, പൂതാടി, അപ്പപ്പാറ, സുല്ത്താന് ബത്തേരി എന്നിവിടങ്ങളിലെ ആരോഗ്യകേന്ദ്രങ്ങളില് പ്രതിരോധ വാക്സിന് നല്കും. 4300 ഡോസ് വാക്സിന് കര്ണ്ണാടകയിലെ ഷിമോഗയില് നിന്ന് 1.6 ലക്ഷം രൂപ ചെലവിട്ട് ആരോഗ്യവകുപ്പ് ലഭ്യമാക്കിയിട്ടുണ്ട്. പ്രതിരോധ കുത്തിവെപ്പ്, വ്യക്തിഗത സുരക്ഷാ മരുന്നുകള് എന്നിവയാണ് രോഗത്തെ ചെറുക്കാനുള്ള മാര്ഗ്ഗങ്ങള്. വനവുമായി സമ്പര്ക്കത്തില് ഏര്പ്പെടുന്ന മുഴുവന് ജനങ്ങളും കുരങ്ങുപനി പ്രതിരോധ വാക്സിന് സ്വീകരിക്കണമെന്ന് ജില്ലാ മെഡിക്കല് ഓഫീസര് അറിയിച്ചു. കുത്തിവെപ്പ് സൗജന്യമായാണ് നല്കുന്നത്്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്