എ.ബി.വി.പി പ്രവര്‍ത്തകന്റെ കൊലപാതം :നാല് എസ്.ഡി.പി.ഐ പ്രവര്‍ത്തകര്‍ അറസ്റ്റില്‍ ;പ്രതികള്‍ പിടിയിലായത് കൊലപാതകം നടന്ന് രണ്ട് മണിക്കൂറിനകം
എബിവിപി പ്രവര്‍ത്തകന്‍ കണ്ണൂര്‍ പേരാവൂര്‍ ചിറ്റാരിപറമ്പ് സ്വദേശി ശ്യാം പ്രസാദിനെ വെട്ടിക്കൊലപ്പെടുത്തിയ കേസില്‍ കസ്റ്റഡിയിലെടുത്ത നാല് എസ്ഡിപിഐ പ്രവര്‍ത്തകരുടെ അറസ്റ്റ് പേരാവൂര്‍ പൊലീസ് രേഖപ്പെടുത്തി. മുഴക്കുന്ന് പുത്തന്‍വീട്ടില്‍പി.മുഹമ്മദ് (കാടന്‍ 20), മുഴക്കുന്ന്മിനിക്കേല്‍വീട്ടില്‍ സലിം(26),നിര്‍വേലി അളകാപുരം സമീറ മന്‍സില്‍ അമീര്‍(25),പാലയോട് കീഴലൂര്‍ തെക്കയില്‍ വീട്ടില്‍ ഷഹീം (39) എന്നിവരാണ് അറസ്റ്റിലായത്.രാഷ്ട്രീയ വിരോധം മൂലം കരുതിക്കൂട്ടിയുള്ള കൊലപാതമാണിതെന്നാണ് പോലീസ് വ്യക്തമാക്കുന്നത്.കൊലപാതകം നടന്ന് രണ്ട് മണിക്കൂറിനകം വയനാട് ബോയ്സ് ടൗണില്‍ നിന്നാണ് പ്രതികളെ തലപ്പുഴ പൊലീസ് കസ്റ്റഡിയിലെടുത്തത്.
ഇന്നലെ ഉച്ചയോടെയാണ് ബൈക്കില്‍ വന്ന ശ്യാം പ്രസാദിനെ പിന്‍തുടര്‍ന്നു കറുത്ത റിറ്റ്സ് കാറിലെത്തിയ മുഖംമൂടി സംഘം ആക്രമിച്ചത്. തലശ്ശേരി കൊട്ടിയൂര്‍ റോഡില്‍ നെടുംപൊയിലിനു സമീപം കൊമ്മേരി ഗവ. ആടു വളര്‍ത്തു കേന്ദ്രത്തിനു സമീപം വെച്ചായിരുന്നു സംഭവം. വെട്ടു കൊണ്ട് ഓടിയ ശ്യാംപ്രസാദ് സമീപത്തെ വീട്ടില്‍ കയറാന്‍ ശ്രമിച്ചപ്പോള്‍ വരാന്തയില്‍ വെട്ടി വീഴ്ത്തുകയായിരുന്നു. തുടര്‍ന്ന് ശ്യാം പ്രസാദിനെ തലശ്ശേരിയിലെ ആശുപത്രിയിലേക്ക് പോകുന്നവഴി മരണപ്പെടുകയായിരുന്നു. സംഭവത്തെ തുടര്‍ന്ന് പോലീസ് വ്യാപകമായി വാഹന പരിശോധന ശക്തമാക്കിയിരുന്നു.ഇതിനിടെ സംഘം തലപ്പുഴ ബോയ്സ് ടൗണില്‍വെച്ച് പോലീസിന്റെ പിടിയിലാവുകയായിരുന്നു.തുര്‍ന്നുള്ള ചോദ്യം ചെയ്യലില്‍ പ്രതികള്‍ കുറ്റം സമ്മതിക്കുകയായിരുന്നു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍