മൊബൈല്ഷോപ്പില് മോഷണം; ഫോണും സ്മാര്ട്ട് വാച്ചും പണവും കവര്ന്ന ഇതര സംസ്ഥാനക്കാരന് പിടിയില്
കമ്പളക്കാട്: മൊബൈല്ഷോപ്പില് രാത്രി ഓട് പൊളിച്ച് അകത്തുകയറി ഫോണും സ്മാര്ട്ട് വാച്ചും പണവും കവര്ന്ന ഇതര സംസ്ഥാനക്കാരന് പിടിയില്. ത്ധാര്ഘണ്ട്, ബദല്പൂര് സ്വദേശി മെഹബൂബ അന്സാരി (25) യെയാണ് കമ്പളക്കാട് പോലീസ് പിടികൂടിയത്. കമ്പളക്കാട് ടൗണിലുള്ള 4ജി വേള്ഡിലാണ് ഫെബ്രുവരി ഒന്നിന് രാത്രിയില് മോഷണം നടന്നത്. കടയുടെ ഓടും സീലിങും പൊളിച്ച് അകത്ത് കയറിയ മോഷ്ടാവ് 20,000 രൂപ വില വരുന്ന മൊബൈല് ഫോണും, 2500 രൂപയുടെ സ്മാര്ട്ട് വാച്ചും, 80000 രൂപയും കവര്ന്നു. പരാതി ലഭിച്ചയുടന് കേസെടുത്ത പോലീസ് സംഭവസ്ഥലത്തെത്തി ശാസ്ത്രീയ പരിശോധന നടത്തുകയും പ്രാഥമിക തെളിവ് ശേഖരണം നടത്തുകയും ചെയ്തു. തുടര്ന്ന് നടത്തിയ ശാസ്ത്രീയ അന്വേഷണത്തിലാണ് പ്രതിയെ പിടികൂടിയത്.ഇന്സ്പെക്ടര് എസ്.എച്ച്.ഒ അനില് കുമാറിന്റെ നേതൃത്വത്തില് സബ് ഇന്സ്പെക്ടര് കെ എസ് ജിഷ്ണു, സീനിയര് സിവില് പോലീസ് ഓഫീസര് മനോജ്,സിവില് പോലീസ് ഓഫീസര്മാരായ ആദര്ശ്, സിറാജുദ്ദീന്, ശിഹാബ്, നിഷാദ് എന്നിവരടങ്ങുന്ന സംഘമാണ് ഇയാളെ പികൂടിയത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്