പോലീസ് ഉദ്യോഗസ്ഥരുടെ സമയോജിത ഇടപെടല്; ആത്മഹത്യക്ക് ശ്രമിച്ച യുവാവിന്റെ ജീവന് രക്ഷിച്ചു
മാനന്തവാടി: ആത്മഹത്യക്കൊരുങ്ങിയ യുവാവിന്റെ ജീവന് പോലീസ് ഉദ്യോഗസ്ഥരുടെ സമയോജിത ഇടപെടലിലൂടെ രക്ഷിക്കാനായി. തലപ്പുഴ സ്വദേശിയായ 33 വയസുകാരനായ യുവാവിന്റെ ജീവനാണ് മാനന്തവാടി സ്റ്റേഷനിലെ പോലീസ് ഉദ്യോഗസ്ഥര് രക്ഷിച്ചത്.യുവാവ് മാനന്തവാടിയിലെ ഒരു ലോഡ്ജില് ആത്മഹത്യ ചെയ്യാന് പോകുകയാണെറിയിച്ച് വീഡിയോ അയച്ചിട്ടുണ്ടെന്ന വിവരം സുഹൃത്താണ് ബുധനാഴ്ച അര്ധരാത്രിയോടെ തലപ്പുഴ പോലീസ് സ്റ്റേഷനിലേക്ക് ഫോണ് വിളിച്ചറിയിച്ചത്. തലപ്പുഴ പോലീസ് വിവരം ഉടന് തന്നെ മാനന്തവാടി പോലീസിലെ ജി.ഡി ചാര്ജ് ഡ്യൂട്ടിയിലുണ്ടായിരുന്ന എ.എസ്.ഐ റോയ്സണ് ജോസഫിന് കൈമാറി. തുടര്ന്ന് നൈറ്റ് പെട്രോള് ഡ്യൂട്ടിയിലുണ്ടായിരുന്ന എ.എസ്.ഐ അജേഷ് കുമാര്, സി.പി.ഒമാരായ ബിനു, രമേശന് എന്നിവരടങ്ങിയ സംഘം മാനന്തവാടിയിലെ ലോഡ്ജുകള് കേന്ദ്രീകരിച്ചു നടത്തിയ അന്വേഷണത്തിനിടെ എരുമത്തെരുവിലെ സന്നിധി ലോഡ്ജില് ഒരാള് വിളിച്ചിട്ട് വാതില് തുറക്കുന്നില്ല എന്നറിയാന് കഴിഞ്ഞു. രാത്രി ഒരു മണിയോടെ പോലീസ് വാതില് ബലപ്രയോഗത്തിലൂടെ തള്ളിതുറന്നു അകത്തുകയറി. ഈ സമയം വിഷം അകത്ത് ചെന്ന് ബോധരഹിതനായ നിലയില് കണ്ട യുവാവിനെ മാനന്തവാടി മെഡിക്കല് കോളേജ് ആശുപത്രിയില് പ്രവേശിപ്പിച്ചു. പോലീസിന്റെ അവസരോചിതമായ ഇടപെടലാണ് ഇയാളെ കൃത്യസമയത്ത് ആശുപത്രിയില് എത്തിച്ച് ജീവന് രക്ഷിക്കാന് കഴിഞ്ഞത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്