ഒണ്ടയങ്ങാടി മഖാം ഉറൂസിന് നാളെ തുടക്കമാകും.
മാനന്തവാടി: വയനാട്ടിലെ ചരിത്ര പ്രസിദ്ധ തീര്ത്ഥാടന കേന്ദ്രമായ ഒണ്ടയങ്ങാടി മഖാം ഉറൂസിന് നാളെ (ഫെബ്രവരി 6വെള്ളി) ജുമുഅ നിസ്കാരശേഷം മഹല്ല് പ്രസിഡണ്ട് അബ്ദുല് ഖാദര് മൈതാനം പതാക ഉയര്ത്തുന്നതോടെ തുടക്കമാകും തുടര്ന്ന് നടക്കുന്ന മഖാം സിയാറത്തിന് മഹല്ല് ഖതീബ് ശരീഫ് സഖാഫി ചീരാല് നേതൃത്വം നല്കും. വൈകുന്നേരം 7 മണിക്ക് നടക്കുന്ന ദിഖ്ര് ദുആ സമ്മേളനം ശൈഖുനാ ഹസന് ഉസ്താദ് ഉദ്ഘാടനം ചെയ്യും. സിറാജുദ്ദീന് മദനി ഗൂഡല്ലൂര് മതപ്രഭാഷണം നടത്തും. സയ്യിദ് സ്വാലിഹ് തുറാബ് തങ്ങള് നേതൃത്വം നല്കും. ഉസ്മാന് സുഹ്രി സ്വാഗതവും റാഷിദ് എടക്കുടി നന്ദിയും പറയും.
ശനിയാഴ്ച രാവിലെ നടക്കുന്ന ആരോഗ്യ ബോധവല്കരണ ക്ലാസിന് മര്കസുദ്ദഅവ യൂനാനി സെന്റര് ജമീല ടീച്ചര് നേതൃത്വം നല്കും. രാത്രി ഏഴുമണിക്ക് ബദരിയ്യ തിബ് യാന് വിദ്യാര്ത്ഥികളുടെ കലാപരിപാടികള് നടക്കും ശേഷം നടക്കുന്ന ബുര്ദ്ദ മജ്ലിസും ഇശല് വിരുന്നിനും സുഹൈല് സുല്ത്താനി പ്രാര്ത്ഥന നടത്തും.അസീസ് മുസ്ലിയാര് അധ്യക്ഷത വഹിക്കും. പ്രശസ്ത മാദിഹീങ്ങള് അസ്ഹറുദ്ദീന് റബ്ബാനി കല്ലൂര് റഊഫ് അസ്ഹരി ആക്കോട്, സൈഫുദ്ദീന് ഓമച്ചപ്പുഴ,റിയാസ് ആന്തമാന് നേതൃത്വം നല്കും. ഹാരിസ് ഫാളിലി, അബ്ദുല് ജബ്ബാര് പറമ്പന്, സൈബത്ത്, സ്വാലിഹ് പറമ്പന്, മന്സൂര് കെ. കെ ഉമ്മര് കെ സി, നാസര് സി നവാസ് ആനപ്പടിക്കല് തുടങ്ങിയവര് സംബന്ധിക്കും. ഇജാസ് ഒ എച്ച് സ്വാഗതവും ആഫിദ് സി നന്ദിയും പറയും.
ഞായറാഴ്ച ഉച്ചക്ക് ഒരു മണിക്ക് നടക്കുന്ന മൗലിദ് പാരായണത്തിനും കൂട്ട് പ്രാര്ത്ഥനക്കും സയ്യിദ് ഫളില് അല് ജിഫ്രി കൊടുവള്ളി സയ്യിദ് മനാഫ് അല് ഐദറൂസി തുടങ്ങിയവര് നേത്യത്വം നല്കും തുടര്ന്ന് അന്നദാനം നടക്കും. സിനാന് ഒ എച്ച്, ശാമില് ശരീഫ്, ഷറഫുദ്ദീന് എം എസ് നേതൃത്വം നല്കും.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്