കുപ്പാടിത്തറയില് തെരുവ് നായകളുടെ ആക്രമണം; 6 വയസ്സുകാരന് പരിക്ക്.
കുപ്പാടിത്തറ: കുപ്പാടിത്തറയില് തെരുവ് നായകളുടെ ആക്രമണത്തില് 6 വയസ്സുകാരന് പരിക്കേറ്റു. കുപ്പാടിത്തറ പൂച്ചാളക്കല് വീട്ടില് വിനോദ് ഷിജിനി ദമ്പതികളുടെ മകന് ദേവനന്ദ് ( 6 ) നാണ് പരിക്കേറ്റത്. ഇന്ന് വൈകുന്നേരം കൂട്ടുകാരൊപ്പം വീട്ട് മുറ്റത്ത് കളിച്ചുകൊണ്ടിരിക്കെ അഞ്ചു തെരുവ് നായകള് വീട്ടിലേക്ക് ഓടിക്കയറിയെത്തിയാണ് കടിച്ചും മാന്തിയും പരിക്കേല്പ്പിച്ചത്. പട്ടിയെ കണ്ട് ഓടുന്നതിനിടെ നിലത്ത് കുട്ടി വീണപ്പോള് പട്ടികള് കൂട്ടമായി ആക്രമിക്കുകയായിരുന്നു. കൂടെയുണ്ടായിരുന്ന കുട്ടികളുടെ കൂട്ടക്കരച്ചില് കേട്ട് വീട്ടുകാര് ഓടിയെത്താണ് പട്ടികളെ ഓടിച്ച് കുട്ടിയെ രക്ഷപ്പെടുത്തിയത്. കുട്ടിയുടെ പുറത്തും നെറ്റിയിലും ആഴത്തിലുള്ള മുറിവുണ്ട്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്