ശിശുദിനാഘോഷം നാളെ; ജില്ലാ കളക്ടര്‍ മുഖ്യാതിഥിയാകും
കല്‍പ്പറ്റ: ജില്ലാ ശിശുക്ഷേമ സമിതിയുടെ ആഭിമുഖ്യത്തില്‍ സംഘടിപ്പിക്കുന്ന ശിശുദിനാഘോഷം നാളെ (നവംബര്‍ 14) രാവിലെ 9.30 മുതല്‍ കല്‍പ്പറ്റയില്‍ നടക്കും. കളക്ടറേറ്റ് പരിസരത്ത് നിന്നും ആരംഭിക്കുന്ന ശിശുദിന റാലിയില്‍ ജില്ലയിലെ വിവിധ സ്‌കൂളുകളില്‍ നിന്നുള്ള 500 കുട്ടികള്‍ പങ്കെടുക്കും. കല്‍പ്പറ്റ എസ്.കെ.എം.ജെ ജൂബിലി ഹാളില്‍ നടക്കുന്ന പരിപാടിയില്‍ കുട്ടികളുടെ പ്രധാനമന്ത്രി ഇരുളം ജി.എച്ച്.എസ് വിദ്യാര്‍ത്ഥിനി തന്വംഗി സുഹാന ശിശുദിനാഘോഷ സമ്മേളനം ഉദ്ഘാടനം ചെയ്യും. കുട്ടികളുടെ പ്രസിഡന്റായി തിരഞ്ഞെടുക്കപ്പെട്ട നടവയല്‍ സെന്റ് തോമസ് ഹയര്‍സെക്കന്‍ഡറി സ്‌കൂളിലെ മുഹമ്മദ് അമിന്‍ ഷാ അധ്യക്ഷനാവും. ശിശുദിനാഘോഷത്തില്‍ നിവേദ് ക്രിസ്റ്റി ജയ്‌സണ്‍ സ്പീക്കറാവും. ജില്ലാ കളക്ടര്‍ ഡി.ആര്‍ മേഘശ്രീ മുഖ്യാതിഥിയാകുന്ന പരിപാടിയില്‍ ശിശുദിന സ്റ്റാറ്റസ് പ്രകാശനം ചെയ്യും. എഡ്വിന്‍ ജോഹാന്‍ ദീപു, വാഴവറ്റ എ.യു.പി.എസ് വിദ്യാര്‍ത്ഥിനി മീവല്‍ റോസ്, പി.എസ്. ഫൈബി എന്നിവര്‍ സംസാരിക്കും.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍