ബത്തേരി നഗരസഭ യില്‍ എസ്.എസ്.എല്‍.സി. പരീക്ഷയില്‍ 100% വിജയവും 112 ഫുള്‍ എ പ്ലസ്
ബത്തേരി: ബത്തേരി നഗരസഭ പരിധിയിലുള്ള സ്‌കൂളുകളില്‍ എസ്.എസ്.എല്‍.സി. പരീക്ഷയെഴുതിയ 816 കുട്ടികളും വിജയിച്ചുവെന്ന് പ്രഖ്യാപിച്ചു. ഇതില്‍ 112 കുട്ടികള്‍ക്ക് എല്ലാ വിഷയത്തിലും എ പ്ലസ് ലഭിച്ചു. പ്രത്യേകമായി, പട്ടികവര്‍ഗ വിദ്യാര്‍ത്ഥികളായ 138 കുട്ടികള്‍ മികച്ച ഫലം നേടിയത് ശ്രദ്ധേയമാണ്. ദുര്‍ഘടപ്രദേശങ്ങളിലെയും വിദൂരസ്ഥരായ പട്ടികവര്‍ഗ വിദ്യാര്‍ത്ഥികളുടെ ഉന്നമനത്തിനായി ഊരുകൂട്ട വേളണ്ടിയര്‍മാരുടെ നേതൃത്വത്തില്‍ നടത്തിയ പഠനപദ്ധതികളാണ് ഈ വിജയത്തിന് പിന്നില്‍. സുല്‍ത്താന്‍ ബത്തേരി ഡയറ്റിന്റെ സഹായത്തോടെ നഗരസഭ തയ്യാറാക്കിയ 'ഹൈ ഫ്‌ലൈ പഠനസഹായി' (ഡിജിറ്റല്‍ ലേണിംഗ് മെറ്റീരിയല്‍) വിദ്യാര്‍ത്ഥികള്‍ക്ക് വലിയൊരു പിന്തുണയായിരുന്നു. ഈ സംവിധാനം സംസ്ഥാനമെമ്പാടും രണ്ട് ലക്ഷത്തിലധികം വിദ്യാര്‍ത്ഥികള്‍ ഡൗണ്‍ലോഡ് ചെയ്ത് ഉപയോഗിച്ചിട്ടുണ്ട്.
നഗരസഭാ ചെയര്‍മാന്‍ ടി.കെ. രമേഷ്, വിദ്യാഭ്യാസ സ്ഥിരസമിതി അധ്യക്ഷന്‍ ടോം ജോസ്, നിര്‍വ്വഹണ ഉദ്യോഗസ്ഥന്‍ പി. എ. അബ്ദുള്‍ നാസര്‍, ഡയറ്റ് പ്രിന്‍സിപ്പല്‍ സെബാസ്റ്റ്യന്‍ കെ.എം., എ.ഇ.ഒ. ഷിജിത ബി.ജെ., ബി.പി.സി. രാജന്‍ ടി. എന്നിവര്‍ വിജയികളെ അഭിനന്ദിച്ചു. . വിജയിച്ച വിദ്യാര്‍ത്ഥികള്‍, അവരെ സംരക്ഷിച്ച രക്ഷിതാക്കള്‍, പിന്തുണ നല്‍കിയ പി.ടി.എ അംഗങ്ങള്‍, മികച്ച പ്രവര്‍ത്തനം നടത്തിയ അധ്യാപകര്‍ എന്നിവര്‍ നഗരസഭ അഭിനദിച്ചു .
ടമഷമ്യമി
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍