എം. ഡി. എം. എ യുമായി യുവാവ് പിടിയില്‍
മീനങ്ങാടി: മുട്ടില്‍ അമ്പുകുത്തി മേപ്പള്ളില്‍ വീട്ടില്‍ എം.പി സജീര്‍ (36) നെയാണ് മീനങ്ങാടി പോലീസും ജില്ലാ ലഹരിവിരുദ്ധ സ്‌ക്വാഡും ചേര്‍ന്ന് പിടികൂടിയത്. മീനങ്ങാടി 53 എന്ന സ്ഥലത്ത് നടത്തിയ വാഹനപരിശോധനക്കിടെ പോലീസിനെ കണ്ട് പരിഭ്രമിച്ച ഇയാളെ പരിശോധന നടത്തിയതില്‍ പാന്റിന്റെ പോക്കറ്റില്‍ ട്രാന്‍സ്പറന്റ് കവറില്‍ പൊതിഞ്ഞ നിലയില്‍ 0.76 ഗ്രാം കണ്ടെടുക്കുകയായിരുന്നു. ഇയാള്‍ മുന്‍പും ലഹരിക്കേസുകളില്‍ പ്രതിയാണ്. ഇയാള്‍ സഞ്ചരിച്ച കെ.എല്‍ 12 ജി 9715 നമ്പര്‍ മോട്ടോര്‍ സൈക്കിളും പിടിച്ചെടുത്തു. മീനങ്ങാടി സ്‌റ്റേഷന്‍ സബ് ഇന്‍സ്‌പെക്ടര്‍ പി കെ അബ്ദുള്‍ റസാക്കിന്റെ നേതൃത്വത്തിലായിരുന്നു പരിശോധന നടത്തിയത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍