ലഹരിക്കെതിരെ പോലീസിനൊപ്പമോടാം; ദീര്‍ഘ ദൂര ഓട്ടം നാളെ ബത്തേരിയില്‍
ബത്തേരി: ലഹരി ഉപയോഗം കുട്ടികളിലും മുതിര്‍ന്നവരിലും വര്‍ദ്ധിച്ചുവരുന്ന സാഹചര്യത്തില്‍ ലഹരിക്കെതിരെ വയനാട് ജില്ലാ പോലീസ് നടത്തിവരുന്ന 'സേ നോ ടൂ ഡ്രഗ്‌സ്, യെസ് ടൂ ഫിറ്റ്‌നസ്' (Say No to Drugs, yes to Fitness) ക്യാമ്പയിനിന്റെ ഭാഗമായി ജില്ലാ പോലീസ് മേധാവി തപോഷ് ബസുമതാരി ഐ.പി.എസിന്റെ നേതൃത്വത്തില്‍ നാളെ (മാര്‍ച്ച് 15 ശനിയാഴ്ച്ച) രാവിലെ ബത്തേരി നഗരത്തില്‍ ദീര്‍ഘ ദൂര ഓട്ടം നടത്തും. ബത്തേരി പോലീസ് സ്‌റ്റേഷനില്‍ നിന്നാരംഭിച്ച് നഗരത്തിലൂടെയുള്ള ദീര്‍ഘ ദൂര ഓട്ടത്തില്‍ ഏവര്‍ക്കും പങ്കെടുക്കാം.
'ആരോഗ്യത്തോടെയുള്ള ചുവടുവെപ്പില്‍ ലഹരി മാഫിയ ഞെരിഞ്ഞമരട്ടെ..' നമുക്ക് വേണ്ടിയുള്ള മഹാ ദൗത്യത്തില്‍ പങ്കാളിയായി ഒപ്പമോടാന്‍ തയ്യാറുള്ളവര്‍ 15.03.2025 ശനിയാഴ്ച രാവിലെ 06.15 ന് ബത്തേരി സ്‌റ്റേഷനിലേക്ക് എത്തിച്ചേരണം.ലഹരിക്കടത്തോ ഉപയോഗമോ വില്‍പ്പനയോ ശ്രദ്ധയില്‍ പെട്ടാല്‍ ഉടന്‍ പോലീസിനെ അറിയിക്കുക യോദ്ധാവ്: 9995966666
ഡി.വൈ.എസ്.പി നാര്‍ക്കോട്ടിക് സെല്‍ : 9497990129
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍