സ്വര്‍ണ്ണം കൈക്കലാലാക്കി മുങ്ങിയ സംഭവം: മറ്റ് പ്രതികള്‍ക്കായി അന്വേഷണം ഊര്‍ജ്ജിതം
കല്‍പ്പറ്റ: കൂടുതല്‍ തുക നല്‍കാമെന്ന പേരില്‍ സ്വര്‍ണ്ണം കൈക്കലാക്കി മുങ്ങിയ കേസില്‍ മറ്റ് പ്രതികള്‍ക്കായുള്ള അന്വേഷണം പോലീസ് ഊര്‍ജ്ജിതമാക്കി. കല്‍പ്പറ്റ ഡിവൈഎസ്പി പി.എല്‍ ഷൈജു, പോലീസ് ഇന്‍സ്‌പെക്ടര്‍ ബിജു ആന്റണി, എസ്.ഐ രാംകുമാര്‍ തുടങ്ങിയവരുടെ നേതൃത്വത്തിലാണ് അയല്‍ജില്ലകളിലടക്കം അന്വേഷണം ഊര്‍ജ്ജിതമാക്കിയത്.കൂടുതല്‍ വില നല്‍കാമെന്ന് പറഞ്ഞ് കുറ്റ്യാടി സ്വദേശി മുഹമ്മദിനോട് 15 ലക്ഷം രൂപയുടെ സ്വര്‍ണ്ണവുമായി കല്‍പ്പറ്റ വരാന്‍ ആവശ്യപ്പെടുകയും, പ്രതികള്‍ സ്വര്‍ണ്ണം കൈക്കലാക്കി മുങ്ങുകയായിരുന്നുവെന്നാണ് പരാതി.കേസിലെ ഒന്നും, രണ്ടും പ്രതികളായ വടകര സ്വദേശി മുഹമ്മദ് ജസീല്‍ (25), തലശ്ശേരി സ്വദേശി മന്‍ഷാദ് (25) എന്നിവരെ ഇന്നലെ അറസ്റ്റ് ചെയ്തിരുന്നു.മറ്റ് പ്രതികളായ ഷാജഹാന്‍, അഫ്‌നാസ് തുടങ്ങിയവര്‍ക്കുള്ള അന്വേഷണമാണ് പോലീസ് വ്യാപകമാക്കിയത്. സുഹൃത്ത് മുഖാന്തരമായിരുന്നു പരാതിക്കാരനായ മുഹമ്മദ് പ്രതികളിലേക്ക് എത്തുന്നത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍