മാനന്തവാടി: മാനന്തവാടി എരുമത്തെരുവില്‍ മാര്‍ക്കെറ്റിന് സമീപം ബൈക്കും ടിപ്പറും കൂട്ടിയിടിച്ച് ബൈക്ക് യാത്രികനായ  യുവാവിന് പരിക്കേറ്റു. മക്കികൊല്ലി ചക്കശ്ശേരി വീട്ടില്‍ റോണ്‍ (24) നാണ് പരിക്കേറ്റത്. ഇന്നലെ രാത്രിയോടെയാണ് സംഭവം. കാലിന് പരിക്കേറ്റ റോണിനെ ആദ്യം മാനന്തവാടി മെഡിക്കല്‍ കോളേജ് ആശുപത്രിയിലും പിന്നീട് മേപ്പാടി വിംസ് മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയി.