വയനാട് ജില്ലയില്‍ റോഡിനും കെട്ടിടങ്ങള്‍ക്കുമായി 11 കോടിയുടെ ഭരണാനുമതി
കല്‍പ്പറ്റ: വയനാട് ജില്ലയില്‍ അഞ്ചു കെട്ടിടങ്ങളുടെ നിര്‍മാണത്തിനും ഒരു റോഡ് നിര്‍മ്മാണത്തിനുമായി 11 കോടിയുടെ ഭരണാനുമതി.സുല്‍ത്താന്‍ ബത്തേരി മണ്ഡലത്തിലെ ശ്രീകണ്ടപ്പ ഗൗണ്ടര്‍ സ്റ്റേഡിയം നിര്‍മാണത്തിന് 5 കോടി രൂപയും മാനന്തവാടി മണ്ഡലത്തിലെ മക്കിയാട് ഗവ.എല്‍പി സ്‌കൂള്‍ കെട്ടിടത്തിന് ഒരു കോടിയും തിരുനെല്ലി ചേകാടി ഗവ.എല്‍പി സ്‌കൂള്‍ കെട്ടിട നിര്‍മാണത്തിന് ഒരു കോടിയും വെള്ളമുണ്ട കരിങ്ങാരി എല്‍പി സ്‌കൂള്‍ കെട്ടിടത്തിന് ഒരു കോടിയും പീച്ചങ്കോഡ് ഗവ.എല്‍പി സ്‌കൂള്‍ കെട്ടിട നിര്‍മാണത്തിന് ഒരു കോടിയും അനുവദിച്ചു. പഴശ്ശി കുടീരം-മെഡിക്കല്‍ കോളേജ്-പോസ്റ്റ് ഓഫീസ് ജംഗ്ഷന്‍ റോഡ് നവീകരണത്തിന് രണ്ടു കോടി രൂപയുമാണ് അനുവദിച്ചത്.
കേരളത്തിലെ വിവിധ ജില്ലകളിലായി 117 റോഡുകളുടെ പുനര്‍നിര്‍മാണത്തിന് 269.19 കോടി രൂപയ്ക്ക് പൊതുമരാമത്ത് വകുപ്പില്‍ അനുമതിയായി. രണ്ട് നടപ്പാലങ്ങള്‍ക്ക് 7.12 കോടി രൂപയും 19 കെട്ടിടങ്ങള്‍ക്ക് 37 കോടി രൂപയും അനുവദിച്ചു. റോഡുകള്‍ ബിഎംബിസി നിലവാരത്തില്‍ പുതുക്കിപ്പണിയുന്നതിനും അറ്റകുറ്റപ്പണികള്‍ക്കും നവീകരണത്തിനുമായാണ് തുക അനുവദിച്ചിട്ടുള്ളതെന്ന് പൊതുമരാമത്ത് വകുപ്പു മന്ത്രി പി.എ. മുഹമ്മദ് റിയാസ് അറിയിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍