വാളത്തൂര്‍ ചീരമട്ടം ക്വാറി വിരുദ്ധ ആക്ഷന്‍ കമ്മിറ്റി മൂപ്പൈനാട് പഞ്ചായത്ത് ഓഫീസ് മാര്‍ച്ചും ധര്‍ണ്ണയും ജൂണ്‍ 21 ന്
റിപ്പണ്‍: വാളത്തൂര്‍ ചീരമട്ടം ക്വാറി വിരുദ്ധ ആക്ഷന്‍ കമ്മിറ്റി എം.എല്‍.എ മുഖേന സംസ്ഥാന ദുരന്ത നിവാരണ അതോറിറ്റി ചെയര്‍മാന്‍ കൂടിയായ മുഖ്യമന്ത്രിക്ക് സമര്‍പ്പിച്ച നിവേദനത്തില്‍ ആവശ്യപ്പെട്ടത് പോലെ ക്വാറിയുടെ പ്രവര്‍ത്തനം നിര്‍ത്തലാക്കാനാവശ്യമായ സംസ്ഥാന ദുരന്ത നിവാരണ അതോറിറ്റിയുടെ തീരുമാനമുണ്ടാകണമെന്നും, ക്വാറിക്ക് അനുകൂലമായി ഉടമ കള്‍ സമ്പാദിച്ച വ്യാജ രേഖ ചമച്ചുണ്ടാക്കിയ അനുമതി പത്രങ്ങള്‍ റദ്ദാക്കണ മെന്നും, ജൂണ്‍ 26 ന് അവസാനിക്കുന്ന നിലവിലുള്ള ലൈസന്‍സ് പുതുക്കി നല്‍കാതിരിക്കുക, പഞ്ചായത്ത് റോഡിലെ ക്വാറി മാഫിയയുടെ അനധികൃത കയ്യേറ്റം അവസാനിപ്പിക്കുകയും, നിലവിലുള്ള കയ്യേറ്റത്തിനെതിരെ പഞ്ചാ യത്ത് നിയമ നടപടികള്‍ സ്വീകരിക്കുക, ജിയോളജി, പൊല്യൂഷന്‍ തുടങ്ങിയ വകുപ്പുകളിലെ ഉദ്യോഗസ്ഥര്‍ സ്ഥലം സന്ദര്‍ശിച്ച് ജനങ്ങളുടെ ജീവനും സ്വത്തിനും ഉണ്ടായേക്കാവുന്ന ഭീഷണികളെ കുറിച്ച് പഠനം നടത്തുകയും, ജനങ്ങളുടെ ഭീതി അകറ്റുന്നതിനും ആവശ്യമായ നടപടികള്‍ സ്വീകരിക്കുക തുടങ്ങിയ ആവശ്യങ്ങള്‍ ഉന്നയിച്ച് ആക്ഷന്‍ കമ്മിറ്റിയുടെ നേതൃത്വത്തില്‍ ജൂണ്‍ 21 വെള്ളിയാഴ്ച രാവിലെ 10.30 ന് മൂപ്പൈനാട് ഗ്രാമ പഞ്ചായത്ത് ഓഫീസിലേക്ക് ബഹുജന മാര്‍ച്ചും ധര്‍ണ്ണയും നടത്താന്‍ ആക്ഷന്‍ കമ്മിറ്റി തീരുമാനിച്ചു.
സൂചന സമരം കൊണ്ട് നീതി ലഭിക്കാത്ത പക്ഷം പ്രാദേശിക രാഷ്ട്രീയ പാര്‍ട്ടികളുടെ പിന്തുണയോടെ ശക്തമായ സമര പരി പാടികള്‍ക്ക് സമിതി നേതൃത്വം നല്‍കുമെന്ന് ഭാരവാഹികളായ ചെയര്‍മാന്‍. റഹീം.സി, കണ്‍വീനര്‍ ജാഫര്‍, ജോ.കണ്‍വീനര്‍.ഉമ്മര്‍.വി.കെ, അലി കുന്നക്കാ ടന്‍ എന്നിവര്‍ വാര്‍ത്താ സമ്മേളനത്തില്‍ ആവശ്യപ്പെട്ടു
You sent
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍