വോട്ടെണ്ണല്‍; ഉദ്യോഗസ്ഥരുടെ റാന്‍ഡമൈസേഷന്‍ നടത്തി
കല്‍പ്പറ്റ: ലോക്സഭാ തെരഞ്ഞെടുപ്പ് വോട്ടെണ്ണലിനുള്ള ഉദ്യോഗസ്ഥരുടെ ആദ്യഘട്ട റാന്‍ഡമൈസേഷന്‍ നടത്തി. 86 കൗണ്ടിങ് സൂപ്പര്‍വൈസര്‍മാര്‍, 117 കൗണ്ടിങ് അസിസ്റ്റന്റുമാര്‍, 86 മൈക്രോ ഒബ്സര്‍വര്‍മാര്‍ എന്നിവര്‍ക്കുള്ള റാന്‍ഡമൈസേഷനാണ് കളക്ടറേറ്റില്‍ നടന്നത്. വയനാട് ജില്ലാ കളക്ടര്‍ ഡോ.രേണു രാജിന്റെ നേതൃത്വത്തില്‍ നടന്ന റാന്‍ഡമൈസേഷന്‍ പ്രക്രിയയില്‍ മാനന്തവാടി അസിസ്റ്റന്റ് റിട്ടേണിങ് ഓഫീസറും സബ് കളക്ടറുമായ മിസാല്‍ സാഗര്‍ ഭരത്, ഇലക്ഷന്‍ ഡെപ്യൂട്ടി കളക്ടര്‍ എന്‍.എം മെഹ്‌റലി എന്നിവര്‍ സംബന്ധിച്ചു. റാന്‍ഡമൈസേഷന്‍ പ്രക്രിയക്ക് ശേഷം വോട്ടെണ്ണല്‍ ഉദ്യോഗസ്ഥര്‍ക്കുള്ള നിയമന ഉത്തരവ് തയ്യാറാക്കി. ഉദ്യോഗസ്ഥര്‍ക്ക് വ്യക്തിഗത ലോഗിനില്‍ നിന്നും ഡ്യൂട്ടി ഉത്തരവ് കൈപ്പറ്റാം. വോട്ടെണ്ണലിനുള്ള ഉദ്യോഗസ്ഥര്‍ക്ക് മെയ് 23,28, ജൂണ്‍ മൂന്ന് ദിവസങ്ങളില്‍ കളക്ടറേറ്റ് എ.പി.ജെ ഹാളില്‍ പരിശീലനം നടക്കും.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍