കടുവയുടെ ആക്രമണത്തില് കൊല്ലപ്പെട്ട പ്രജീഷിന്റെ പോസ്റ്റ്മോര്ട്ടം പൂര്ത്തിയായി;കടുവയെ വെടിവെക്കാന് ഉത്തരവിറങ്ങിയില്ല : മൃതദേഹം ഏറ്റുവാങ്ങാതെ ബന്ധുക്കളും,നാട്ടുകാരും
ബത്തേരി: വയനാട്ടില് കടുവയുടെ ആക്രമണത്തില് യുവാവ് മരിച്ച സംഭവത്തില് പ്രതിഷേധം കടുക്കുന്നു. കടുവയുടെ ആക്രമണത്തില് കൊല്ലപ്പെട്ട പ്രജീഷിന്റെ മൃതദേഹം പോസ്റ്റ്മോര്ട്ടം പൂര്ത്തിയായി. സുല്ത്താന് ബത്തേരി താലൂക്ക് ആശുപത്രിയിലാണ് പോസ്റ്റ്മോര്ട്ടം നടന്നത്. പ്രദേശത്ത് കടുവയ്ക്കായുള്ള തിരച്ചില് വനം വകുപ്പ് ഊര്ജ്ജിതമാക്കി.
പ്രജീഷിന്റെ മൃതദേഹം ഏറ്റുവാങ്ങാതെ കുടുംബം മോര്ച്ചറിക്ക് മുന്നില് പ്രതിഷേധിക്കുകയാണ്. കടുവയെ വെടിവെച്ച് കൊല്ലാനുള്ള ഉത്തരവിറക്കാതെ മൃതദേഹം ഏറ്റുവാങ്ങില്ലെന്ന നിലപാടിലാണ് പ്രജീഷിന്റെ ബന്ധുക്കളും നാട്ടുകാരും. ഐസി ബാലകൃഷ്ണന് എംഎല്എയുടെ നേതൃത്വത്തിലാണ് പ്രതിഷേധം സംഘടിപ്പിക്കുന്നത്. സ്ഥലത്ത് ഡിഎഫ്ഓ സജ്ന കരീമിനെ നാട്ടുകാര് തടഞ്ഞുവെച്ചു. പ്രജീഷിന്റെ കുടുംബത്തിന് അടിയന്തര ധനസഹായമായ 5 ലക്ഷം രൂപ നല്കും. കുടുംബത്തിലെ ഒരാള്ക്ക് ആശ്രിത നിയമനം നല്കുമെന്നും കടുവയെ വെടിവെച്ചു പിടികൂടാന് സിസിഎഫിനോട് അനുമതി തേടിയെന്നും ഡിഫ്ഒ പറഞ്ഞു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്