കോഴിക്കോട് മൈസൂര്‍ ദേശീയപാതയില്‍ അടിവാരം കൈതപ്പൊയിലില്‍വെച്ച് ബസ്സും, ജീപ്പും, കാറും കൂട്ടിയിടിച്ച് മൂന്ന് പേര്‍ മരിച്ചു. ജീപ്പ് ഡ്രൈവര്‍ വയനാട് വടുവഞ്ചാല്‍ കടച്ചിക്കുന്ന് പുളിമൂട്ടില്‍ മുത്തുവിന്റെ മകന്‍ പ്രമോദ് (30),കൊടുവള്ളി വടക്കേക്കരമുഹമ്മദ് നിഷാന്‍ (8) എന്നിവരും ഒരു പെണ്‍കുട്ടിയുമാണ് മരിച്ചത്. കോഴിക്കോട് നിന്നും ബത്തേരിക്ക് പോകുകയായിരുന്ന രാജഹംസം സ്വകാര്യബസ്സും, വയനാട് ഭാഗത്തുനിന്നും കോഴിക്കോടേക്ക് പോകുകയായിരുന്ന ജീപ്പും, കാറുമാണ് കൂട്ടിയിടിച്ചതെന്നാണ് റിപ്പോര്‍ട്ട്.