വീണ്ടും മികവോടെ ഗവ.കോളേജ് സാമ്പത്തിക ശാസ്ത്ര വിഭാഗം
മാനന്തവാടി: കണ്ണൂര്‍ യൂണിവേഴ്‌സിറ്റി ബി.എ ഡവലപ്‌മെന്റ് ഇക്കണോമിക്‌സ് ബിരുദ ഫലം പുറത്തു വന്നപ്പോള്‍ രണ്ട്, മൂന്ന് സ്ഥാനങ്ങള്‍ മാനന്തവാടി ഗവ.കോളേജ് വിദ്യാര്‍ത്ഥികള്‍ കരസ്ഥമാക്കി. ഷിഫാന.വി.എം (86.63 %),നസീറ (85.90 %) എന്നിവരാണ് നേട്ടം സ്വന്തമാക്കിയത്. കാസര്‍ഗോഡ് സെന്റ് പയസ് ടെന്‍ത്ത് കോളേജിലെ വിദ്യാര്‍ത്ഥി ജോസഫ് വി.ജെ യാണ് ഒന്നാം സ്ഥാനത്തെത്തിയത്. മാനന്തവാടി വിന്‍സന്റ്ഗിരി വെളുത്തങ്ങാടന്‍ മുജീബിന്റെയും സെഫീനയും മകളാണ് ഷിഫാന. വാരമ്പറ്റ ഒമ്പതില്‍ ആറങ്ങാടന്‍ അബ്ദുള്ളയുടെയും മൈമൂനയുടെയും മകളാണ് നസീറ. 74.29 % വിജയത്തോടെ യൂണിവേഴ്‌സിറ്റിയില്‍ ഉയര്‍ന്ന വിജയവും ഡിപ്പാര്‍ട്ട്‌മെന്റ് കരസ്ഥമാക്കി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍