ഭക്ഷ്യവിഷബാധയെന്ന് സംശയം: എഴുപതോളം വിദ്യാര്ത്ഥികള് ചികിത്സയില്
ലക്കിടി: ലക്കിടി ജവഹര് നവോദയ സ്കൂളില് ഭക്ഷ്യ വിഷബാധയുണ്ടായതായി സംശയം.എഴുപതോളം വിദ്യാര്ത്ഥികളെ ശാരീരിക അസ്വാസ്ഥ്യങ്ങളോടെ വൈത്തിരി താലൂക്ക് ആശുപത്രിയില് പ്രവേശിപ്പിച്ചു. കടുത്ത ഛര്ദ്ദിയും, വയറുവേദനയും അനുഭവപ്പെട്ട കുട്ടികളെയാണ് ആശുപത്രിയില് പ്രവേശിപ്പിച്ചത്. ഇന്നലെ രാത്രി 9 മണി മുതലാണ് കുട്ടികള്ക്ക് ശാരീരിക അസ്വാസ്ഥ്യങ്ങള് അനുഭവപ്പെട്ടു തുടങ്ങിയത്. രാവിലെയും കുട്ടികള് ചികിത്സ തേടിയെത്തുന്നുണ്ട്. എഴുപതോളം പേര് ഇതുവരെ ചികിത്സ തേടിയതില് 10 പേര് തിരികെ പോയിട്ടുണ്ട്. മറ്റുള്ളവര് നിരീക്ഷണത്തിലാണ്. നിലവില് ആരുടേയും നില സാരമുള്ളതല്ല. എന്നാല് സ്ഥാപനത്തിലെ ജീവനക്കാര്ക്ക് ആര്ക്കും കുഴപ്പമില്ല. ഇവിടെ അഞ്ഞൂറോളം വിദ്യാര്ത്ഥികളാണ് താമസിച്ച് പഠിച്ച് വരുന്നത്. എന്താണ് യഥാര്ത്ഥ കാരണമെന്ന് പരിശോധിച്ച് വരുന്നതായി ആരോഗ്യ വകുപ്പ് അധികൃതര് അറിയിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്