പുല്‍പ്പള്ളി: പുല്‍പ്പളളി ആടിക്കൊല്ലി സെന്റ് സെബാസ്റ്റ്യന്‍സ് ദേവാലയത്തില്‍ ഇടവക മദ്ധ്യസ്ഥനായ വിശുദ്ധ സെബാസ്ത്യാനോസിന്റെയും പരിശുദ്ധ ദൈവമാതാവിന്റെയും തിരുനാളിന് തുടക്കമായി. തിരുനാളിന് തുടക്കം കുറിച്ച് ഫാ ജോസ് വടയാപറമ്പില്‍ കൊടിയേറ്റ് കര്‍മ്മം നിര്‍വ്വഹിച്ചു. തുടര്‍ന്ന് വിശുദ്ധ കുര്‍ബ്ബാന, പരേത അനുസ്മരണം, സെമിത്തേരി സന്ദര്‍ശനം എന്നിവ നടന്നു.25 ന് 5 മണിക്ക് ആഘോഷമായ തിരുന്നാള്‍ ഗാനപുജ, നൊവേന മാനന്തവാടി രുപത വികാരി ജനറാള്‍ മോണ്‍.പോള്‍ മുണ്ടോളിക്കല്‍ കാര്‍മ്മികത്വം വഹിക്കും 6.45 ന് ലദീഞ്ഞ്, പ്രദിക്ഷിണം തൂപ്ര ക്ലാര നഗറിലേക്ക്, പരിശുദ്ധ കുര്‍ബ്ബാനയുടെ ആശീര്‍വ്വാദം 26 ന് 6.30ന് വിശുദ്ധ കുര്‍ബ്ബാന 9.30 ന് ആഘോഷമായ തിരുന്നാള്‍ ഗാന കുര്‍ബ്ബാന, നൊവേന മാനന്തവാടി രൂപത കോര്‍പ്പറേറ്റ് മാനേജര്‍ ഫാ: സിജോ ഇളംകുന്നപ്പുഴ കാര്‍മ്മികത്വം വഹിക്കും, പ്രദിക്ഷിണം, 11.45ന് പരിശുദ്ധ കുര്‍ബ്ബാനയുടെ ആശീര്‍വ്വാദം, തിരുന്നാള്‍ ദിനങ്ങളില്‍ അടിമ വയ്ക്കുന്നതിനും കഴുന്ന് എടുക്കുന്നതിനും മറ്റ് നേര്‍ച്ച കാഴചകള്‍ സമര്‍പ്പിക്കുന്നതിനും സൗകര്യമുണ്ടായിരിക്കുന്നതാണ്