മാസ വാടക 2,46,59,700 രൂപ ! 17 മുറികള്; റൊണാള്ഡോയുടെ സൗദിയിലെ താമസസ്ഥലം അമ്പരപ്പിക്കും
പോര്ച്ചുഗീസ് സൂപ്പര് താരം ക്രിസ്റ്റിയാനോ റൊണാള്ഡോയുടെ സൗദിയിലെ താമസസ്ഥലത്തെ കുറിച്ച് പുറത്ത് വരുന്ന റിപ്പോര്ട്ടുകള് കേട്ട് കണ്ണ് തള്ളുകയാണ് സോഷ്യല് മീഡിയ. 17 മുറികളുള്ള ഹോട്ടല് സ്വീറ്റിലാണ് സൗദിയിലെത്തിയ റൊണാള്ഡോ താമസിക്കുന്നത്. ഈ മുറിയുടെ പ്രതിമാസ വാടക 300,000 ഡോളറാണ്. കൃത്യമായി പറഞ്ഞാല് 2,46,59,700 രൂപ
സൗദിയിലെ ഏറ്റവും ഉയരമേറിയ കെട്ടിടമായ കിംഗ്ഡം ടവറിലാണ് ഫുട്ബോള് താരത്തിന്റെ താമസം. പങ്കാളി ജോര്ജിന റോഡ്രീഗസിനും അഞ്ച് മക്കള്ക്കുമൊപ്പമാണ് ക്രിസ്റ്റിയാനോ സൗദിയില് എത്തിയിരിക്കുന്നത്.
ഹോട്ടലിന്റെ 48-ാമതും 50-ാമതും നിലകളിലായാണ് സ്വീറ്റ് റൂം സ്ഥിതി ചെയ്യുന്നത്. ഇവിടെ നിന്ന് നോക്കിയാല് റിയാദിന്റെ ദൃശ്യഭംഗി മുഴുവന് ഒപ്പിയെടുക്കാന് സാധിക്കും. കൂറ്റന് ലിവിംഗ് റൂം, പ്രൈവറ്റ് ഓഫിസ്, ഭക്ഷണമുറി, മീഡിയ റൂം, കിടപ്പുമുറികള് എന്നിങ്ങനെ നീളുന്നു സുഖസൗഖര്യങ്ങള്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്