വയനാട് ജില്ലാ കേരളോത്സവം ഇന്നുമുതല്‍
കല്‍പ്പറ്റ: സംസ്ഥാന യുവജന ക്ഷേമ ബോര്‍ഡും വയനാട് ജില്ലാ പഞ്ചായത്തും ചേര്‍ന്ന് സംഘടിപ്പിക്കുന്ന വയനാട് ജില്ല കേരളോത്സവം 9 മുതല്‍ 14 വരെ നടക്കും. 9,10,11 തീയതികളിലായി കലാമേള കല്‍പ്പറ്റ എന്‍എസ്എസ് ഹയര്‍ സെക്കന്‍ഡറി സ്‌കൂളിലും 12,13 ,14 തീയതികളില്‍ കായികമേള ജില്ലാ സ്റ്റേഡിയം കല്‍പ്പറ്റയില്‍ അടക്കം വിവിധ കേന്ദ്രങ്ങളിലും നടക്കും. കലാമേളയില്‍ സ്റ്റേജിതര ഇനങ്ങള്‍ ഇന്ന് നടക്കും. കഥാരചന കവിതാരചന ഉപന്യാസരചന ചിത്രരചന കാര്‍ട്ടൂണ്‍ , ക്ലേ മോഡലിംഗ് , ഫ്‌ലവര്‍ ഡിസൈനിങ്, മെഹന്ദി ഡിസൈനിങ്, ക്വിസ് എന്നിവയാണ് ഇന്ന് നടക്കുന്ന മത്സര ഇനങ്ങള്‍. നാല് ബ്ലോക്ക് പഞ്ചായത്തുകളെയും മൂന്ന് മുനിസിപ്പാലിറ്റികളെയും പ്രതിനിധീകരിച്ച് 3000 താരങ്ങള്‍ കേരളോത്സവത്തില്‍ പങ്കെടുക്കും.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍