ആസ്പിരേഷണല്‍ ജില്ലാ പ്രോഗ്രാം; ദേശീയ റാങ്കിങ്ങില്‍ വയനാടിനെ ഒന്നാമതെത്തിച്ചത് കൂട്ടായ പ്രവര്‍ത്തനങ്ങള്‍: രാഹുല്‍ ഗാന്ധി എം പി
കല്‍പ്പറ്റ: ആസ്പിരേഷണല്‍ ജില്ലാ പ്രോഗ്രാം- ദേശീയ റാങ്കിങ്ങില്‍ വയനാടിനെ ഒന്നാമതെത്തിച്ചത് കൂട്ടായ പ്രവര്‍ത്തനങ്ങള്‍: രാഹുല്‍ ഗാന്ധി എംപി. ഏറ്റവും പുതിയ 'ചാമ്പ്യന്‍സ് ഓഫ് ചെയ്ഞ്ച്' റിപ്പോര്‍ട്ട് പ്രകാരം ദേശീയ റാങ്കിംഗില്‍ വയനാട് ജില്ല ഒന്നാമതാണ്. അഞ്ച് സൂചികകളില്‍, പ്രത്യേകിച്ച് ആരോഗ്യം- പോഷകാഹാരം, സാമ്പത്തികഉള്‍പ്പെടുത്തല്‍-നൈപുണ്യ വികസനം തുടങ്ങിയ സൂചികകളില്‍ ഇന്ത്യയിലെ 112 ആസ്പിരേഷണല്‍ ജില്ലകളില്‍ വയനാട് ശ്രദ്ധേയമായ നേട്ടമാണ് കൈവരിച്ചിരിക്കുന്നത്.'ജന കേന്ദ്രീകൃതമായ എല്ലാ പദ്ധതികളും സമൂഹത്തിലെ എല്ലാവിഭാഗം ആളുകളിലും സമയ ബന്ധിതമായി എത്തിക്കാനുള്ള നമ്മുടെ കൂട്ടായ പരിശ്രമമാണ് ഈ നേട്ടത്തിന് പിന്നില്‍.' വയനാട് ജില്ലാ കളക്ടര്‍ ഗീത ഐ. എ.സ്.നെ നേരില്‍ വിളിച്ച് രാഹുല്‍ ഗാന്ധി എം പി പറഞ്ഞു. ജനപ്രതിനിധികളോടും തദ്ദേശ സ്വയംഭരണ സ്ഥാപനങ്ങളോടും ഒപ്പം നിന്ന് ഈ നേട്ടത്തിന് വേണ്ടി പരിശ്രമിച്ച മുഴുവന്‍ ഉദ്യോഗസ്ഥരെയും അദ്ദേഹം അഭിനന്ദിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍