കാട്ടാന തെങ്ങ് വീടിന് മുകളിലേക്ക് ചവിട്ടി മറിച്ചു; യുവതിക്ക് പരിക്ക്
തൃശിലേരി: തൃശിലേരി മുത്തുമാരിയില്‍കാട്ടാന തെങ്ങ് വീടിന് മുകളിലേക്ക് ചവിട്ടി മറിച്ചു. മേല്‍ക്കൂരയും, തേങ്ങയും മറ്റും ദേഹത്ത് പതിച്ച് വീടിനുള്ളില്‍ ഉറങ്ങിക്കിടക്കുകയായിരുന്ന യുവതിക്ക് പരിക്കേറ്റു. ചെല്ലിമറ്റം ഷിനോജിന്റെ ഭാര്യ സോഫിക്കാണ് പരിക്കേറ്റത്. ദേഹത്ത് ചതവുകളും മുറിവുകളും പറ്റിയ സോഫിയെ വയനാട് മെഡിക്കല്‍ കോളേജില്‍ പ്രവേശിപ്പിച്ചു. ഇവരുടെ കൂടെയുണ്ടായിരുന്ന കുട്ടിക്ക് നിസാര പരിക്കേറ്റു. ഇന്ന് പുലര്‍ച്ചെ രണ്ടര മണിയോടെയാണ് സംഭവം. പറത്തോട്ടിയില്‍ മോന്‍സിയുടെ വീട്ടിലാണ് സോഫിയും കുടുംബവും വാടകയ്ക്ക് താമസിച്ചു വരുന്നത്. തൃശിലേരിയിലെ വനം വകുപ്പ് അധികൃതര്‍ സ്ഥലത്തെത്തി പ്രാഥമിക നടപടികള്‍ സ്വീകരിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍