ലിഫ്റ്റ്, എസ്‌ക്കലേറ്റര്‍ ലൈസന്‍സ് പുതുക്കാം
ലിഫ്റ്റ് /എസ്‌കലേറ്റര്‍ പ്രവര്‍ത്തിപ്പിക്കുന്നതിന് ലൈസന്‍സ് എടുക്കാത്ത സ്ഥാപനങ്ങള്‍ക്ക് ലൈസന്‍സ് നല്‍കുന്നതിനായി ഇലക്ട്രിക്കല്‍ ഇന്‍സ് പെക്ടറേറ്റ് ഒറ്റത്തവണ തീര്‍പ്പാക്കല്‍ പദ്ധതി നടപ്പാക്കുന്നു. നവംബര്‍ 10 മുതല്‍ 2023 ഫെബ്രുവരി 9 വരെയുളള കാലയളവില്‍ 3310 രൂപ ഫീസുള്‍പ്പടെയുളള അപേക്ഷ ഇലക്ട്രിക്കല്‍ ഇന്‍സ്പെക്ടറുടെ ഓഫീസില്‍ സമര്‍പ്പിച്ച് പദ്ധതിയിലൂടെ ലൈസന്‍സ് ക്രമവത്ക്കരിക്കാം. ഇലക്ട്രിക്കല്‍ ഇന്‍സ്പെക്ടറില്‍ നിന്ന് ഊര്‍ജ്ജീകരണാനുമതി / ലൈസസന്‍സ് നേടിയി ട്ടുള്ളതും നിലവില്‍ പുതുക്കാത്തതുമായ ലിഫ്റ്റ് / എസ്‌കലേറ്റര്‍ സ്ഥാപന യുടമകള്‍ ഈ സൗകര്യം പരമാവധി പ്രയോജനപ്പെടുത്തണമെന്ന് ജില്ലാ ഇലക്ട്രിക്കല്‍ ഇന്‍സ്പെക്ടര്‍ അറിയിച്ചു. സമയ പരിധിക്ക് ശേഷവും ലൈസന്‍സ് നേടാതെ പ്രവര്‍ത്തിച്ചാല്‍ കേരളാ ലിഫ്റ്റ് ആന്റ് എസ്‌കലേറ്റര്‍ റൂള്‍സ് പ്രകാരം സ്ഥാപനത്തിലേക്കുള്ള വൈദ്യുത ബന്ധം വിഛേദിക്കുന്നതുള്‍പ്പടെയുള്ള കര്‍ശന നടപടികള്‍ സ്വീകരിക്കും. ലിഫ്റ്റ് ലൈസന്‍സുമായി ബന്ധപ്പെട്ട കൂടുതല്‍ വിവരങ്ങള്‍ക്ക് ഇലക്ട്രിക്കല്‍ ഇന്‍സ്പെക്ടറുടെ ഓഫീസുമായി ബന്ധപ്പെടുക. ഫോണ്‍ 04936 295004.
