സണ്ടേസ്കൂള് ശതാബ്ദി; വടക്കന് മേഖലാ സമ്മേളനത്തിന് പ്രൗഡോജ്വല സമാപനം
മാനന്തവാടി: മലങ്കര യാക്കോബായ സിറിയന് സണ്ഡേ സ്കൂള് അസോസിയേഷന് (എം.ജെ.എസ്.എസ്.എ) ശതാബ്ദി ആഘോഷങ്ങള് പ്രൗഡോജ്വല സമാപനം മാനന്തവാടി സെന്റ് ജോര്ജ് യാക്കോബായ സുറിയാനി പള്ളിയില് നടന്നു. ഐ സി .ബാലകൃഷ്ണന് എം.എല്.എസമ്മേളനം ഉദ്ഘാടനം ചെയ്തു. മീനങ്ങാടിയില് നിന്നും വന്ന പതാക പ്രയാണത്തിനും, പുല്പ്പള്ളിയില് നിന്നും വന്ന ദീപശിഖ പ്രയാണത്തിനും ,നീലഗിരി മേഖലയില് നിന്നും വന്ന ഛായാചിത്ര പ്രയാണങ്ങള്ക്കും മാനന്തവാടി ടൗണില് സ്വീകരണം നല്കി. ഗ്ലോറിയ കലാവിരുന്ന് ബാലതാരം ഡാവിയ ബെന് ഉദ്ഘാടനം ചെയ്തു. ബൈബിള് എക്സിബിഷനും, വാട്ടര് ഫൗണ്ടേഷനും ഇതോടൊപ്പം നടന്നു. ചടങ്ങില് സണ്ടേസ്കൂള് ദേശിയ പ്രസിഡന്റ്മാത്യുസ് മോര് അന്തിമോസ് മെത്രാപോലീത്ത അധ്യക്ഷത വഹിച്ചു.കോഴിക്കോട് ഭദ്രാസന മെത്രാപ്പോലീത്ത പൗലോസ് മോര് ഐറ നിയോസ് അനുഗ്രഹ പ്രഭാഷണം നടത്തി.എം.ജെ.എസ്.എസ് .എ ജനറല് സെക്രട്ടറി ഷെവലിയാര് എം.ജെ മര്ക്കോസ്, ജില്ലാ പഞ്ചായത്ത് പ്രസിഡണ്ട് ഷംസാദ് മരക്കാര്, കണ്ണൂര് റൂറല് അഡീഷണല് എസ് പി പ്രിന്സ് അബ്രഹാം, ഭദ്രാസന ഡയറക്ടര് ടി.വി സജീഷ്, ഫാ: മത്തായി അതിരമ്പുഴ, ഫാ: ജോര്ജ്ജ് കവുങ്ങുംപള്ളി., ഫാ: അനില് കൊമരിക്കല്, ഫാ: കുര്യാക്കോസ്, പി.വി ഏലിയാസ്, എല്ദോ ഐസക് , ഡോ: വി.പിഅനുമോള്, ഷാജി മൂത്താശ്ശേരിയില് ,കെ.എം ഷിനോജ്, എബിന് പി ഏലിയാസ്, ജോണ് ബേബിഎന്നിവര് പ്രസംഗിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്