കല്‍പ്പറ്റ: പൂതാടി പഞ്ചായത്തിലെ ഇരുളംസ്വദേശിയായ അഡ്വകേറ്റ് ടോമി ആത്മഹത്യ ചെയ്തതുമായി ബന്ധപ്പെട്ട് ബാങ്ക് മാനേജര്‍, കേണിച്ചിറ പോലീസ് സ്റ്റേഷനിലെ എസ്.എച്ച്.ഒ എന്നിവരുടെ നടപടികള്‍ അന്വേഷിക്കാന്‍ സര്‍ക്കാര്‍ തയ്യാറാവണമെന്ന് ജില്ലാ പഞ്ചായത്ത് പ്രസിഡന്റ് സംഷാദ് മരക്കാര്‍ ആവശ്യപ്പെട്ടു. വായ്പ എടുത്ത തുകയിലേക്ക് 3 ലക്ഷം രൂപ തിരിച്ചടക്കാന്‍ ബാങ്കിനെ സമീപിച്ച ടോമിയുടെ ഭാര്യയുടെ പക്കല്‍ നിന്നും തുക സ്വീകരിക്കാന്‍ തയ്യാറാവാത്ത ബാങ്ക് മാനേജര്‍ 4 ലക്ഷം ഉണ്ടെക്കില്‍ മാത്രമേ തുക സ്വീകരിക്കൂ എന്ന് വാശി പിടിക്കുകയും പിന്നീട് ഒരു ലക്ഷം രൂപ കൂടെ എത്തിച്ചതിന് ശേഷമാണ് തുക സ്വീകരിക്കാന്‍ തയ്യാറായത്. വായ്പ എടുത്ത തുക പുന:ക്രമീകരണം നടത്താന്‍ കഴിയുമെന്നിരിക്കെ പത്ത് ദിവസത്തിനകം മുഴുവന്‍ തുകയും തിരിച്ചടക്കണം എന്നാണ് ബാങ്ക് അധികൃതര്‍ ആവശ്യപ്പെട്ടത്. വായ്പ പുന:ക്രമിക്കരണം നടത്തി സാവകാശം നല്‍കിയിരുന്നെങ്കില്‍ ടോമിയുടെ ആത്മഹത്യ സംഭവിക്കില്ലായിരുന്നു. ബാങ്ക് അധികൃതരുടെ ഇ നടപടി അന്വേഷിച്ച് കുറ്റക്കാര്‍ക്കെതിരെ നടപടി സ്വീകരിക്കണമെന്നും .ജപ്തി നടപടിയുടെ സമയത്ത് ക്രമസമാധന പാലനത്തിന്റെ ആവശ്യത്തിന് മാത്രം സഹായങ്ങള്‍ ചെയ്യേണ്ട പോലീസിന്റെ ഭാഗത്ത് നിന്നാണ് കൂടുതല്‍ പ്രകോപനം ഉണ്ടായത് .ജനപ്രതി നിധികളോടും, ജനങ്ങളോടും ആക്രോശിക്കുകയും മോശമായി പെരുമാറുക്കയും ചെയ്ത പോലീസ് ഉദ്യോഗസ്ഥര്‍ക്കെതിരെയും അന്വേഷണം നടത്തി കുറ്റക്കാര്‍ക്കെതിരെ കര്‍ശന നടപടി സ്വീകരിക്കണം. ജനങ്ങളെ സഹായിക്കേണ്ട സര്‍ക്കാര്‍ സംവിധാനങ്ങള്‍ ജനങ്ങളെ ദ്രോഹിക്കാന്‍ മുന്നില്‍ നില്‍ക്കുന്ന കാഴ്ച്ചയാണ് വയനാടിലുള്ളത് എന്നും .വായ്പ എടുത്തവരെ അപമാനിക്കുന്ന രീതിയില്‍ പെരുമാറുന്ന ബാങ്ക് ഉദ്യോഗസ്ഥരെ നിലക്ക് നിര്‍ത്താന്‍ ബന്ധപ്പെട്ടവര്‍ തയ്യാറക്കണമെന്നും. ടോമിയുടെ ആത്മഹത്യയുമായി ബന്ധപ്പെട്ട് സമഗ്ര അന്വേഷണം നടത്തി കുറ്റക്കാരായ ഉദ്യോഗസ്ഥര്‍ക്കെതിരെ കര്‍ശന നടപടി സ്വീകരിക്കണമെന്നും .ടോമിയുടെ കുടുംബത്തിന്റെ മുഴുവന്‍ ബാധ്യതയും സര്‍ക്കാര്‍ ഏറ്റെടുക്കണമെന്നും ജില്ലാ പഞ്ചായത്ത് പ്രസിഡന്റ് സംഷാദ് മരക്കാര്‍ ആവശ്യപ്പെട്ടു.