കുവൈറ്റ് വയനാട് അസോസിയേഷന്‍ ഇഫ്താര്‍ സംഗമം നടത്തി
കുവൈത്ത്: കേരളത്തിലെ വയനാട് ജില്ലയിലെ കുവൈത്ത് പ്രവാസികള്‍ക്കായുള്ള സംഘടനയായ കുവൈറ്റ് വയനാട് അസോസിയേഷന്‍ അംഗങ്ങള്‍ക്കും ക്ഷണിതാക്കള്‍ക്കുമായി ഇഫ്താര്‍ സംഗമം മെട്രോ മെഡിക്കല്‍ കെയര്‍ ഹാള്‍ ഫര്‍വാനിയയില്‍ സംഘടിപ്പിച്ചു. പ്രസിഡന്റ് മുബാറക് കാമ്പ്രത്ത് അധ്യക്ഷത വഹിച്ച ചടങ്ങ് രക്ഷാധികാരി ബാബുജി ബത്തേരി ഉദ്ഘാടനം ചെയ്തു.സാമുദായികമല്ലാത്ത സഹിഷ്ണുതയും സമൂഹത്തില്‍ സാമൂഹിക സൗഹാര്‍ദ്ദം നിലനിറുത്തേണ്ടതിന്റെ ആവശ്യകതയും മുറുകെ പിടിക്കാന്‍ അദ്ദേഹം ഉദ്ഘാടന പ്രസംഗത്തില്‍ അംഗങ്ങളോട് ആവശ്യപ്പെട്ടു. ജനറല്‍ സെക്രട്ടറി ജസ്റ്റിന്‍ ജോസ് സ്വാഗതം ആശംസിച്ചു. സി.പി.അബ്ദുള്‍ അസീസ് റമദാന്‍ സന്ദേശം നല്‍കി. കുട കുവൈത്തിനെ പ്രതിനിധീകരിച്ച് ജിനോ എറണാകുളം, ഇതര സംഘടനകളില്‍ നിന്നും പി എം നായര്‍, സുരേഷ് ബാബു ഫോക്ക്, വാസുദേവന്‍ മമ്പാട്, കെജെപിഎസ് പ്രതിനിധികള്‍, അനിയന്‍ കുഞ്ഞ് പാപ്പച്ചന്‍ തുടങ്ങി പ്രമുഖര്‍ അനുമോദന പ്രസംഗം നടത്തി. ജോയിന്റ് ട്രഷറര്‍ ഷിജി ജോസഫും മനീഷ് മേപ്പാടിയും അംഗത്വ രജിസ്‌ട്രേഷന്‍ നിയന്ത്രിച്ചു, ഷിജി പങ്കെടുത്തവര്‍ക്കും പിന്തുണച്ചവര്‍ക്കും നന്ദി രേഖപ്പെടുത്തി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍